റാഞ്ചി: പഞ്ചായത്ത് തിരഞ്ഞെടുപ്പിന് മുന്നോടിയായി നടന്ന റാലിയിൽ പാക് അനുകൂല മുദ്രാവാക്യങ്ങൾ ഉയർത്തിയ സ്ഥാനാർത്ഥിയുൾപ്പെടെ മൂന്ന് പേർ പോലീസ് പിടിയിൽ. ഇന്നലെ നടന്ന സംഭവത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചതോടെയാണ് ഇവരെ അറസ്റ്റ് ചെയ്തത്. ജാർഖണ്ഡിലെ ഗിരിദിഹ് ജില്ലയിലാണ് സംഭവം.
ദോകോദിഹ് പഞ്ചായത്തിൽ നിന്ന് മത്സരിക്കുന്ന എംഡി ഷാക്കിർ ഹുസൈനെയും ഇയാളുടെ അനുയായികളായ ആസിഫ്, സൊഹൈബ് എന്നിവരെയുമാണ് പോലീസ് അറസ്റ്റ് ചെയ്തത്. വിദ്വേഷം പ്രചരിപ്പിച്ചതിനും മാതൃകാ പെരുമാറ്റച്ചട്ടം ലംഘിച്ചതിനും ഇവർക്കെതിരെ കേസെടുത്തതായി പോലീസ് അറിയിച്ചു. നാമനിർദ്ദേശ പത്രിക സമർപ്പിച്ച് മടങ്ങവേ നടന്ന റാലിയിലാണ് ഇവർ പാക് അനുകൂല മുദ്രാവാക്യങ്ങൾ ഉയർത്തിയത്.
സംഭവത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചതിന് പിന്നാലെയാണ് പോലീസ് ഇവരെ അറസ്റ്റ് ചെയ്തത്. പാകിസ്താൻ സിന്ദാബാദ് എന്ന് ഉറക്കെ വിളിച്ച ഇവർക്കെതിരെ സമൂഹമാദ്ധ്യമങ്ങളിലും വിമർശനങ്ങൾ ഉയർന്നിരുന്നു. കേസിൽ പത്ത് പേരെ പോലീസ് പ്രതി ചേർത്തിട്ടുണ്ടെന്നും, മറ്റുള്ളവരെ വൈകാതെ പിടികൂടുമെന്നും പോലീസ് കൂട്ടിച്ചേർത്തു. കൊറോണ പരിശോധ ഉൾപ്പെടെയുള്ള നടപടിക്രമങ്ങൾ പൂർത്തിയാക്കിയ ശേഷം അറസ്റ്റിലായവരെ ജയിലിലേയ്ക്ക് അയക്കുമെന്ന് ഗിരിദിഹ് സബ് ഡിവിഷണൽ പോലീസ് ഓഫീസർ അനിൽ കുമാർ സിംഗ് അറിയിച്ചു.
Comments