ന്യൂഡൽഹി: കൊൽക്കത്ത ഹൈക്കോടതിയിലെ സ്ഥിരം നിയമനത്തിനായി അഡീഷണൽ ജഡ്ജിമാരുടെ പേരുകൾ കേന്ദ്ര സർക്കാരിനോട് ശുപാർശ ചെയ്ത് സുപ്രീം കോടതി കൊളീജിയം. ആറ് അഡീഷണൽ ജഡ്ജിമാരുടെ പേരുകളാണ് ചീഫ് ജസ്റ്റിസ് എൻ വി രമണ അധ്യക്ഷനായ കൊളീജിയം ശുപാർശ ചെയ്തത്.
കൊളീജിയം ശുപാർശ ചെയ്യുന്ന പേരുകൾ കേന്ദ്രം അംഗീകരിച്ചാൽ വനിതാ ജഡ്ജി കെസാങ് ദോമ ബൂട്ടിയയും മറ്റ് അഞ്ച് അഡീഷണൽ ജഡ്ജിമാരും സ്ഥിരമാകും. ജസ്റ്റിസ് രവീന്ദ്രനാഥ് സാമന്ത, ജസ്റ്റിസ് സുഗതോ മജുംദാർ, ജസ്റ്റിസ് ബിവാസ് പട്ടനായക്, ജസ്റ്റിസ് ആനന്ദ കുമാർ മുഖർജി എന്നിവരാണ് ശുപാർശ ചെയ്യപ്പെട്ട മറ്റ് ജഡ്ജിമാർ.
ഏപ്രിൽ 19ന് നടന്ന യോഗത്തിൽ, ഹിമാചൽപ്രദേശ് ഹൈക്കോടതിയിലെ അഡീഷണൽ ജഡ്ജി ജസ്റ്റിസ് സത്യൻ വൈദ്യയെ അതേ ഹൈക്കോടതിയിലെ സ്ഥിരം ജഡ്ജിയായി നിയമിക്കുന്നതിനുള്ള നിർദ്ദേശം അംഗീകരിച്ചിരുന്നു. മുതിർന്ന ജഡ്ജിമാരായ യു യു ലളിത്, എ എം ഖാൻവിൽക്കർ എന്നിവർ ഉൾപ്പെട്ട കൊളീജിയമാണ് നിർദ്ദേശം അംഗീകരിച്ചത്.
Comments