ന്യൂഡൽഹി: വിവാദങ്ങൾക്കൊടുവിൽ പ്രധാനമന്ത്രിയുടെയും ഏഴുവയസുകാരന്റെയും മോർഫ് ചെയ്ത വീഡിയോ പിൻവലിച്ച് ഹാസ്യതാരം കുനാൽ കമ്ര. കുട്ടിയുടെ പിതാവ് നിയമനടപടിക്ക് തുടക്കമിട്ടതോടെയാണ് കുനാൽ കമ്രയുടെ നീക്കം. ബെർലിനിൽ എത്തിയ പ്രധാനമന്ത്രി നരേന്ദ്രമോദിക്ക് മുമ്പിൽ ദേശഭക്തിഗാനം ആലപിക്കുന്ന ഏഴുവയസുകാരന്റെ വീഡിയോയാണ് കുനാൽ കമ്ര മോർഫ് ചെയ്തിരുന്നത്.
മോർഫ് ചെയ്ത വീഡിയോ ട്വിറ്ററിലായിരുന്നു കുനാൽ കമ്ര പോസ്റ്റ് ചെയ്തത്. ഇതിന് പിന്നാലെ വലിയ വിമർശനം ഉയർന്നിരുന്നു. ഹെയ് ജന്മഭൂമി ഭാരത് എന്ന പാട്ടായിരുന്നു കുട്ടി യഥാർത്ഥത്തിൽ പാടിയിരുന്നത്. എന്നാൽ കുനാൽ കമ്ര മോർഫ് ചെയ്ത വീഡിയോയിൽ പണപ്പെരുപ്പത്തെക്കുറിച്ച് പ്രതിപാദിക്കുന്ന ഗാനം ഉൾപ്പെടുത്തി പരിഹാസ വീഡിയോ ആക്കി മാറ്റി. 2010ൽ പുറത്തിറങ്ങിയ പീപ്ലീ എന്ന ചിത്രത്തിലെ ഗാനമായിരുന്നു കുനാൽ കമ്ര എഡിറ്റ് ചെയ്ത് ഉൾപ്പെടുത്തിയത്.
ദേശഭക്തിഗാനം ആലപിക്കുന്ന ദൃശ്യങ്ങൾ ഇത്തരത്തിൽ പരിഹസിച്ചതിന് പിന്നാലെ കുട്ടിയുടെ പിതാവ് ഗണേഷ് പോൾ പ്രതിഷേധമറിയിച്ച് രംഗത്തെത്തി. തന്റെ മകന്റെ ദൃശ്യങ്ങൾ മോർഫ് ചെയ്യാൻ ആരാണ് കുനാൽ കമ്രയ്‌ക്ക് അനുവാദം നൽകിയതെന്ന് ഗണേഷ് പോൾ ചോദിച്ചു. കുട്ടികളെ ഉപയോഗിച്ചല്ല തമാശ കളിക്കേണ്ടത്. സംഭവത്തിൽ കുനാൽ കമ്രയ്‌ക്കെതിരെ നടപടി സ്വീകരിക്കുമെന്നും അദ്ദേഹം വ്യക്തമാക്കി.
വെറും ഏഴ് വയസുമാത്രമുള്ള മകനാണിത്. എത്രയും പ്രിയപ്പെട്ട മാതൃരാജ്യത്തിന് വേണ്ടി പാട്ടുപാടാൻ ആഗ്രഹിച്ച ഒരു കുട്ടി. പ്രശസ്തിക്ക് വേണ്ടിയല്ല മകൻ പ്രധാനമന്ത്രിക്ക് മുൻപിൽ ഗാനം ആലപിച്ചത്. ഫേസ്ബുക്കും ട്വിറ്ററും എന്താണെന്ന് പോലും അവനറിയില്ല. കുനാൽ കമ്രയെക്കാളും പ്രായം കൊണ്ട് എത്രയോ ചെറുതാണ് തന്റെ മകൻ. എന്നിട്ടും കുനാൽ കമ്രയേക്കാൾ രാജ്യസ്നേഹം തന്റെ മകനുണ്ടെന്നും ഗണേഷ് പോൾ പ്രതികരിച്ചിരുന്നു.
എന്നാൽ നിങ്ങളുടെ മകൻ ദേശഭക്തിഗാനത്തിനോടൊപ്പം മറ്റുള്ളവർ പാടിയ പാട്ടുകൾ കൂടി കേട്ടുനോക്കണമെന്നായിരുന്നു കുനാൽ കമ്രയുടെ മറുപടി. മകനെ ഉപയോഗിച്ച് തമാശ കളിച്ചതല്ലെന്നും കമ്ര പറഞ്ഞു.
The video is in the public domain by a news Organisation.
The joke is not on your son, while you enjoy your son sing for his motherland to the most popular son, there are songs that he should listen to from people of his country also ✌🏽✌🏽✌🏽 https://t.co/aKnVk9lDSR
— Kunal Kamra (@kunalkamra88) May 5, 2022
എന്നാൽ ഗണേഷ് പോളിന്റെ പരാതി പ്രകാരം ദേശീയ ബാലാവകാശ കമ്മീഷൻ കേസെടുത്തിരുന്നു. ഇതോടെ കമ്മീഷൻ നടപടി സ്വീകരിക്കുകയും കമ്രയോട് വീഡിയോ പിൻവലിക്കാൻ ആവശ്യപ്പെടുകയും ചെയ്തു. തൽഫലമായാണ് ഹാസ്യതാരം ട്വിറ്ററിൽ നിന്നും വീഡിയോ നീക്കം ചെയ്തത്.
#WATCH PM Narendra Modi in all praises for a young Indian-origin boy as he sings a patriotic song on his arrival in Berlin, Germany pic.twitter.com/uNHNM8KEKm
— ANI (@ANI) May 2, 2022
