യഷ് നായകനായ ‘കെജിഎഫ് ചാപ്റ്റർ 2’ തീയ്യറ്ററുകളിൽ 50ാം ദിനം പൂർത്തിയാക്കി. ഏപ്രിൽ 14ന് ആണ് സിനിമ ലോകമെമ്പാടുമുള്ള സ്ക്രീനുകളിൽ എത്തിയത്. ഈ ചിത്രം ഏഴ് ആഴ്ചയായി ആഗോള ബോക്സ് ഓഫീസിൽ ആധിപത്യം പുലർത്തുന്നു.
പ്രശാന്ത് നീൽ സംവിധായകനായ ചിത്രം ബോക്സ് ഓഫീസിൽ പുതിയ ചരിത്രം സൃഷ്ടിച്ചിരിക്കുകയാണ്. തിയേറ്ററുകളിൽ 50 ദിവസം വിജയകരമായി പൂർത്തിയാക്കി മറ്റൊരു റെക്കോർഡ് തീർത്തു. ഇന്ത്യൻ സിനിമയിലെ റിലീസ് ചെയ്ത എല്ലാ ഭാഷകളിലും ഇത് ബ്ലോക്ക്ബസ്റ്റർ ആയി മാറി. ചിത്രം ഇപ്പോഴും ലോകമെമ്പാടുമായി 400 സ്ക്രീനുകളിൽ പ്രദർശനം തുടരുകയാണ്. ഇന്ത്യയിൽ 390, വിദേശത്ത് 10 തീയ്യറ്ററുകളിലാണ്
പ്രദർശിപ്പിക്കുന്നത്. നിർമ്മാതാക്കളായ ഹോംബാലെ ഫിലിംസ് പുതിയ പോസ്റ്റർ റിലീസിലൂടെ തങ്ങളുടെ ട്വിറ്റർ ഹാൻഡിൽ നിന്ന് ആരാധകർക്ക് നന്ദി അറിയിച്ചു.
സംവിധായകൻ പ്രശാന്ത് നീലിന്റെയും ഹോംബാലെ ഫിലിംസിന്റെയും കാഴ്ചപ്പാടും കഠിനാധ്വാനവുമാണ് ചിത്രത്തെ വിജയിപ്പിച്ചത്. തന്റെ ജീവിതത്തിന്റെ ഏകദേശം അഞ്ച് വർഷം കെജിഎഫ് സീരീസിനായി സമർപ്പിച്ച യഷ് ജനഹൃദയങ്ങളിലാണ് ഇടംപിടിച്ചിരിക്കുന്നത്. ഇപ്പോൾ ആളുകൾ അദ്ദേഹത്തെ വീണ്ടും കെജിഎഫ് ചാപ്റ്റർ 3 ൽ കാണാൻ കാത്തിരിക്കുകയാണ്.
ബാഹുബലി 2ന് ശേഷമുള്ള ഏറ്റവും വലിയ വിജയമാണ് യഷ് ചിത്രം കരസ്ഥമാക്കിയത്. ചിത്രം അന്താരാഷ്ട്ര ബോക്സ് ഓഫീസിൽ 1200 കോടി രൂപ കടന്നു. ചിത്രത്തിന്റെ ഹിന്ദി പതിപ്പ് 450ലധികം കോടിയുടെ കളക്ഷൻ നേടി. ബാഹുബലി 2 മാത്രമാണ് ഇതിന് മുന്നിലുളളത്.
ലോകത്ത് ഏറ്റവുമധികം ആളുകൾ കണ്ട ടീസർ എന്ന പുതിയ റെക്കോർഡ് സൃഷ്ടിച്ച ചിത്രത്തിന്റെ ടീസർ പുറത്തിറങ്ങിയത്. ആദ്യ വാരാന്ത്യത്തിലെ ഏറ്റവും ഉയർന്ന കളക്ഷൻ, ഏതൊരു ഹിന്ദി ചിത്രത്തിനും ഏറ്റവും ഉയർന്ന ആദ്യ ദിന കളക്ഷൻ, ഏറ്റവും വേഗത്തിൽ 200 കോടി നേടിയ ചിത്രം എന്നീ റെക്കോർഡുകൾ ഇപ്പോൾ സ്വന്തമാക്കി, ‘ബാഹുബലി 2’ ന്റെ റെക്കോർഡ് തകർത്തുകൊണ്ട് ചിത്രം 2.9ദശലക്ഷം ടിക്കറ്റുകൾ മുൻകൂട്ടി വിറ്റു.
കന്നഡ സിനിമാ വ്യവസായത്തിൽ ഇതുവരെ നിർമ്മിച്ചതിൽ വച്ച് ഏറ്റവും വിജയകരമായ ചിത്രമാണിത്. സാൻഡൽവുഡ് ഇൻഡസ്ട്രിയിൽ നിന്ന് ഇതുവരെ ഒരു സിനിമയും ചെയ്യാത്ത നാഴികക്കല്ലുകളാണ് ചിത്രം നേടിയത്. ചിത്രത്തോടുള്ള ആവേശം ഐപിഎൽ ടീമുകളെയും നിരവധി അന്താരാഷ്ട്ര ഫുട്ബോൾ ക്ലബ്ബുകളെയും പിടികൂടി. ഇന്ത്യൻ പ്രീമിയർ ലീഗ് ടീമുകൾ തങ്ങളുടെ കളിക്കാർക്കായി സിനിമയുടെ പ്രത്യേക പ്രദർശനം നടത്തി.
റയൽ മാഡ്രിഡ്, മാഞ്ചസ്റ്റർ സിറ്റി, ടോട്ടൻഹാം ഹോട്സ്പേഴ്സ് തുടങ്ങിയ ഫുട്ബോൾ ക്ലബ്ബുകൾ K.G.Fന്റെ സ്വന്തം പതിപ്പ് പോസ്റ്റ് അവരുടെ സോഷ്യൽ മീഡിയ ഹാൻഡിൽ പങ്കിട്ടുകൊണ്ട് KGF-ന്റെ ആരാധകരെ അഭിനന്ദിച്ചു. ആദ്യ വാരാന്ത്യത്തിൽ ലോകത്തിലെ മികച്ച 5 സിനിമകളിൽ ഇടം പിടിച്ചപ്പോൾ ഈ സിനിമ അന്താരാഷ്ട്ര അംഗീകാരം നേടി.
Comments