കാട്ടാക്കട: ലോകപരിസ്ഥിതി ദിനാചരണത്തിന് മുന്നോടിയായി പരിസ്ഥിതി വാരാണചരണ പരിപാടികൾക്ക് തിരുവനന്തപുരത്ത് തുടക്കമായി അഖിലേന്ത്യ തലത്തിലെ സംയോജകരായ പര്യാവരൺ വിഭാഗിന്റെ കേരള ഘടകം പരിസ്ഥിതി സംരക്ഷണ സമിതിയാണ് പരിപാടികൾ സംഘടിപ്പിക്കുന്നത്.
ലോക പരിസ്ഥിതി വാരാചരണത്തോടനുബന്ധിച്ച് പരിസ്ഥിതി സംരക്ഷണ സമിതി ഏർപ്പെടുത്തിയ ഈ വർഷത്തെ ഏറ്റവും മികച്ച പരിസ്ഥിതി സൗഹൃദ വിദ്യാലയത്തിനുള്ള പുരസ്കാരം കള്ളിക്കാട് ചിന്താലയ വിദ്യാലയം സീനിയർ സെക്കൻഡറി സ്കൂളിന് കേന്ദ്രമന്ത്രി വി.മുരളീധരൻ സമ്മാനിച്ചു.പരിസ്ഥിതിയോട് കുട്ടികളും യുവാക്കളും ഇണങ്ങി ജീവിച്ചാൽ പാരിസ്ഥിതിക പ്രശ്നങ്ങൾക്ക് ഒരു പരിധിവരെ പരിഹാരം കാണാൻ കഴിയുമെന്ന് പുരസ്ക്കാരദാനത്തിന് ശേഷം നടത്തിയ പ്രസംഗത്തിൽ കേന്ദ്രമന്ത്രി പറഞ്ഞു.
കലാലയങ്ങൾ പരിസ്ഥിതി സൗഹൃദമാകണം. ഇവിടങ്ങളിൽ നിന്നും പഠനം കഴിഞ്ഞിറങ്ങുന്നവരും പരിസ്ഥിതി സൗഹൃദ ജീവിത ചര്യയിലേയ്ക്ക് അതിലൂടെ മാറുമെന്നും അദ്ദേഹം പറഞ്ഞു. കീഴ്വാണ്ടയിൽ അഡ്വ.അഞ്ചുകൃഷ്ണയുടെ വീട്ടിൽ അഗസ്ത്യവനം സൂക്ഷ്മ നിബിഢവനത്തിന്റെ സംസ്ഥാന തല ഉദ്ഘാടനവും കേന്ദ്രമന്ത്രി നിർവഹിച്ചു. കീഴ് വാണ്ടയിൽ അഗസ്ത്യവനം-ജൈവ ഉദ്യാനം എന്ന സൂക്ഷമ നിബിഢവന പദ്ധതിയ്ക്കാണ് തുടക്കമായത്. ആഗോളതലത്തിൽ പരിസ്ഥിതിക്ക് വെറും മരമല്ല വനമാണ് പരിഹാരമെന്നും മിയാവാക്കിക്ക് ബദലായി നമ്മുടെ പരിസ്ഥിതിക്കിണങ്ങുന്ന മരങ്ങളെ നടുന്ന അഗസ്്ത്യവനം-ജൈവ ഉദ്യാനങ്ങളാണ് ആവശ്യമെന്നും സംഘാടകർ പറഞ്ഞു. കേരളത്തിലാകമാനം 1000 സ്ഥലത്ത് അഗസ്ത്യവനം-ജൈവ ഉദ്യാനം പ്രാവർത്തികമാക്കലാണ് ലക്ഷ്യമെന്നും സംഘാടകർ പറഞ്ഞു.
ചിന്താലയ ആശ്രമ ട്രസ്റ്റ് പ്രസിഡന്റ് വിശ്വനാഥൻ നായർ അദ്ധ്യക്ഷത വഹിച്ചു.സ്കൂൾ മാനേജർ വി.ആർ.സജിത്ത് വിദ്യാലയ പരിചയം നടത്തി. മുൻ ജലനിധി ഡയറക്ടർ ഡോ.വി.സുഭാഷ് ചന്ദ്രബോസ്,റിട്ട.ഡെപ്യൂട്ടി റെയിഞ്ച് ഓഫീസർ ഉദയനൻ നായർ എന്നിവർ കുട്ടികളുമായി പരിസ്ഥിതി സർഗ സംവാദം നടത്തി.
എക്സൈസ് കമ്മിഷണർ ആനന്ദകൃഷ്ണൻ,പരിസ്ഥിതി ശാത്രജ്ഞൻ ഡോ.സുഭാഷ് ചന്ദ്രബോസ്,റിട്ട.ഡി.എഫ്.ഒ ഡോ.ഇന്ദുചൂഡൻ,കള്ളിക്കാട് ഗ്രാമപഞ്ചായത്ത് പ്രസിഡന്റ് പന്തശ്രീകുമാർ,ഗ്രാമപഞ്ചായത്തംഗം ബിന്ദു സുനിൽ,സ്കൂൾ മാനേജ്മെന്റ് ചെയർമാൻ രാജ്മോഹൻ, ഡോ.വി.സുനിൽകുമാർ, ഉദയനൻ നായർ,പരിസ്ഥിതി സംരക്ഷണ സമിതി വിദ്യാഭ്യാസ വിഭാഗം സംസ്ഥാന കോ ഓർഡിനേറ്റർ സേതുനാഥ് മലയാലപ്പുഴ, വിദ്യാഭ്യാസ വിഭാഗം തിരുവനന്തപുരം കോ-ഓർഡിനേറ്റർ അജിത്ത് കുമാർ,സ്കൂൾ പ്രിൻസിപ്പൽ എ.വി.റീനമോൾ എന്നിവർ സംസാരിച്ചു.
ചടങ്ങിൽ വച്ച് വിവിധ രംഗത്ത് പ്രാഗത്ഭ്യം തെളിയിച്ച കവി മുരുകൻ കാട്ടാക്കട,ഡോ.സുഭാഷ്ചന്ദ്രബോസ്, ഡോ.വി.സുനിൽകുമാർ,ഡോ.ലേഖ അജിത്ത്, അജിത്ത് കുളിയൂർ,വേണുകീഴ്വാണ്ട,അജി ദൈവപ്പുര,കാവാലം സജീവ്,അനിൽ ഭാവഗീതം, ഉദയനൻ നായർ, ജയകൃഷ്ണൻ വൈദ്യർ,എ.വിശ്വനാഥൻ നായർ,ആർ.രവീന്ദ്രൻ നായർ തുടങ്ങിയ വിശിഷ്ട വ്യക്തികളേയും കേന്ദ്രമന്ത്രി ചടങ്ങിൽ ആദരിച്ചു.
Comments