ചെന്നൈ:സിനിമയിൽ നായികയാക്കാം എന്ന് വാഗ്ദാനം നൽകി പുതുമുഖ നടിയെ ലൈംഗികമായി പീഡിപ്പിക്കാൻ ശ്രമിച്ച ക്യാമറാമാൻ അറസ്റ്റിൽ. വത്സരവാക്കത്താണ് സംഭവം.ഓംശക്തിനഗറിലെ കാശിനാഥൻ(42)നെയാണ് യുവതിയുടെ പരാതിയിൽ പോലീസ് അറസ്റ്റ് ചെയ്തത്.കൊടുങ്കയ്യൂർ സ്വദേശിയായ ഇരുപത്തിരണ്ടുകാരിയായ സീരിയൽ നടിയെയാണ് ഇയാൾ പീഡിപ്പിക്കാൻ ശ്രമിച്ചത്.
ഏതാനുംമാസം മുമ്പാണ് കാശിനാഥൻ യുവതിയെ പരിചയപ്പെട്ടത്. സംവിധായകരുമായി അടുപ്പമുള്ളതിനാൽ നായികയാക്കാമെന്നും ഫോട്ടോഷൂട്ടിനായി വീട്ടിൽവരണമെന്നും നടിയോട് ആവശ്യപ്പെട്ടു.
തുടർന്ന് യുവതി കാശിനാഥന്റെ വീട്ടിലെത്തി. മദ്യലഹരിയിലായിരുന്ന ഇയാൾ നടിയെ ലൈംഗികമായി പീഡിപ്പിക്കാൻ ശ്രമിക്കുകയായിരുന്നു. കുതറി മാറി ഓടിരക്ഷപ്പെട്ട നടി വത്സരവാക്കം പോലീസിൽ പരാതി നൽകുകയായിരുന്നു.
Comments