തിരുവനന്തപുരം: യുവാക്കൾക്ക് ഹ്രസ്വകാലയളവിൽ സൈനിക സേവനത്തിന് അവസരം ഒരുക്കുന്ന അഗ്നിപഥ് പദ്ധതി നിർത്തിവെക്കണമെന്ന് മുഖ്യമന്ത്രി പിണറായി വിജയൻ. ട്വിറ്ററിലൂടെയാണ് മുഖ്യമന്ത്രി പദ്ധതി നിർത്തിവയ്‌ക്കണമെന്ന ആവശ്യവുമായി രംഗത്തുവന്നത്. എതിർ സ്വരങ്ങൾ കണക്കിലെടുക്കണമെന്നും അദ്ദേഹം ആവശ്യപ്പെട്ടു.
അഗ്നിപഥിനെതിരെ രാജ്യത്തുടനീളം നടക്കുന്ന പ്രതിഷേധങ്ങൾ പദ്ധതിയോടുള്ള യുവാക്കളുടെ മനോവികാരത്തെയാണ് സൂചിപ്പിക്കുന്നത്. രാജ്യത്തിന്റെ താത്പര്യം പരിഗണിച്ച് ഈ പദ്ധതി നിർത്തിവയ്‌ക്കാൻ മുഖ്യമന്ത്രിയോട് ആവശ്യപ്പെടുന്നു. പദ്ധതി സംബന്ധിച്ച് വിദഗ്ധരുടെ അഭിപ്രായം പ്രധാനമന്ത്രി പരിഗണിക്കണം. യുവാക്കളിൽ നിന്നും ഉയരുന്ന എതിർ സ്വരങ്ങൾ കണക്കിലെടുക്കണമെന്നും മുഖ്യമന്ത്രി ട്വീറ്റ് ചെയ്തു.
അതേസമയം മുഖ്യമന്ത്രിയുൾപ്പെടെ സ്വപ്‌ന പദ്ധതിയെന്ന് വിശേഷിപ്പിക്കുന്ന കെ-റെയിലിനെതിരെ ശക്തമായ ജനരോഷമാണ് സംസ്ഥാനത്തുടനീളം ഉയരുന്നത്. ഇത് പരിഗണിക്കാതെ കെ-റെയിൽ നടപ്പാക്കുമെന്ന് വാശി പിടിക്കുകയാണ് മുഖ്യമന്ത്രി. ഇത് മറന്നാണ് യുവാക്കൾക്ക് മികച്ച അവസരം ഒരുക്കുന്ന അഗ്നിപഥ് പദ്ധതി നിർത്തിവയ്ക്കണമെന്ന് പ്രധാനമന്ത്രിയോട് ആവശ്യപ്പെട്ടിരിക്കുന്നത്.
Comments