പലരെയും അലട്ടുന്ന ഒരു പ്രശ്നമാണ് കുടവയർ. ഭാരം കുറയ്ക്കാന് ആഗ്രഹിക്കുന്നവരെല്ലാം പ്രധാനമായും കുടവയർ കുറയ്ക്കാനുള്ള വഴികൾ തേടി പോകാറുണ്ട്. എന്നാൽ കുടവയർ എങ്ങനെ കുറയ്ക്കണെമെന്ന് പലർക്കും അറിയില്ല. കുടവയര് പ്രമേഹത്തിനും ഹൃദ്രോഗത്തിനും അര്ബുദത്തിനുമുള്ള സാധ്യത വര്ധിപ്പിക്കുമെന്നതിനാല് അമിതവണ്ണം കുറയ്ക്കുന്നതിനൊപ്പം കുടവയര് ചുരുക്കാനും നമുക്ക് ശ്രമിക്കേണ്ടതുണ്ട്. അതിന് ചില വഴികൾ പരിചയപ്പെടാം.
പഞ്ചസാര കഴിക്കുന്നത് ഒഴിവാക്കാം : പഞ്ചസാര അമിതമായി ഉപയോഗിക്കുന്ന ഭക്ഷണ പദാർത്ഥങ്ങൾ ഭാരം വർദ്ധിപ്പാക്കാറുണ്ട്. അധികമായി ചേര്ത്തിട്ടുള്ള ഭക്ഷണം ഭാരം വര്ധിപ്പിക്കും. ഭക്ഷണക്രമത്തില് നിന്ന് പഞ്ചസാര കഴിവതും ഒഴിവാക്കാൻ ശ്രമിക്കുക. പഞ്ചസാര ചേര്ത്ത പാനീയങ്ങള് പരിപൂര്ണമായും അകറ്റി നിര്ത്തുക. പഴങ്ങളുടെ കാര്യത്തില് ഇത് ബാധകമാവില്ല.
ഭക്ഷണങ്ങൾ ശ്രദ്ധിക്കുക : ഉയര്ന്ന പ്രോട്ടീനും കുറഞ്ഞ കാര്ബോഹൈഡ്രേറ്റുമുള്ള ഭക്ഷണം കഴിക്കുന്നത് കുഴപ്പങ്ങൾ സൃഷ്ടിച്ചേക്കാം. നാം എന്തെല്ലാം കഴിക്കുന്നുവെന്നും കഴിക്കുന്നത് എത്ര അളവിലാണെന്നും നമുക്ക് ബോധ്യമുണ്ടാവണം. ഫലപ്രദമായി ഭാരം കുറയ്ക്കാന് വിവിധ പോഷണങ്ങളുടെ തോതും കാലറിയും നോക്കി ഭക്ഷണം കഴിക്കുന്ന ശീലത്തിലേയ്ക്ക് എത്തുക.
നിത്യവും വ്യായാമം ചെയ്യുക : ആരോഗ്യം മെച്ചപ്പെടുത്താനും അമിതഭാരവും കുടവയറും കുറയ്ക്കാനും ദിവസേനയുള്ള വ്യായാമം അത്യുത്തമമാണ്. ദിവസവും ശരീരം നന്നായി അനങ്ങുന്ന വിധം നടക്കുക. ഒപ്പം ഓട്ടം, നീന്തല് തുടങ്ങിയ എയ്റോബിക് വ്യായാമങ്ങള് നല്ലൊരളവില് ശരീരത്തെ കൊഴുപ്പ് കുറയ്ക്കും. വയറ് കുറയാൻ വ്യായാമങ്ങൾ വളരെയധികം സഹായിക്കും.
കാര്ബോഹൈഡ്രേറ്റ് കുറയ്ക്കുക : കാര്ബോഹൈഡ്രേറ്റ് കുറയ്ക്കുന്നത് അമിതവണ്ണവും കുടവയറും കുറയ്ക്കും. ഒപ്പം ടൈപ്പ് 2 പ്രമേഹത്തിനുള്ള സാധ്യതയും കുറയ്ക്കും. പഞ്ചസാര, കാന്ഡി, വൈറ്റ് ബ്രഡ് തുടങ്ങിയ കാര്ബോ ഭക്ഷണങ്ങള് ഒഴിവാക്കാൻ ശ്രദ്ധിക്കണം.
ഫൈബര് അടങ്ങിയ ഭക്ഷണം കഴിക്കുക : നാരുകള് അടങ്ങിയ ഭക്ഷണം കഴിക്കുന്നത് വണ്ണം കുറയ്ക്കാന് സഹായകമാണ്. പച്ചക്കറികള്, പഴങ്ങള്, ഹോള് ഓട്സ്, പയര്വര്ഗങ്ങള് എന്നിവയെല്ലാം ഫൈബര് നിറഞ്ഞതാണ്.
Comments