ഇസ്ലാമബാദ്: രാജ്യത്ത് സാമ്പത്തിക പ്രതിസന്ധി രൂക്ഷം. ഉപഭോക്തൃവില സൂചിക (സിപിഐ) പ്രകാരം പണപ്പെരുപ്പ നിരക്ക് കൂടുന്നതായി പാകിസ്താന്റെ ബ്യൂറോ ഓഫ് സ്റ്റ്റ്റിസ്റ്റിക്സ് (പിബിഎസ്) അറിയിച്ചു. മെയില് 13.76 ശതമാനം ആയിരുന്ന പണപ്പെരുപ്പനിരക്ക് ജൂണ് മാസത്തില് 21.32 ശതമാനമായാണ് ഉയര്ന്നത്. 13 വര്ഷത്തെ ഉയര്ന്ന കണക്കാണ് ഇതെന്ന് റിപ്പോര്ട്ടുകള് വ്യക്തമാക്കുന്നു.
ഗതാഗത മേഖലയിലാണ് നാണ്യപ്പെരുപ്പം ഏറ്റവും കൂടുതല്. 62.17 ശതമാനമായാണ് ഉയര്ന്നത്.എളുപ്പത്തില് കേടുവരുന്ന ആഹാരപാദാര്ത്ഥങ്ങളുടെ വിലയില് 36.34 ശതമാനത്തിന്റെ വര്ധനവാണ് ഉണ്ടായത്. കേടാകാത്ത ആഹാരപദാര്ത്ഥങ്ങള്(24.43%), ഹോട്ടലുകള്(21.85%), വസ്ത്രങ്ങളും പാദരക്ഷകളും(13.72%), മദ്യവും പുകയില ഉല്പന്നങ്ങളും(17.6%) എന്നിവയിലെ വിലക്കയറ്റമാണ് രണ്ടക്കത്തിന് മുകളില് എത്തിയത്. ആരോഗ്യം, ഭവനനിര്മാണം, വിദ്യാഭ്യാസം തുടങ്ങിയ മേഖലകളിലും വിലക്കയറ്റവര്ധനവ് ഉണ്ടായി.
2022 സാമ്പത്തിക വര്ഷത്തില് 5.97 ശതമാനം വളര്ച്ച കൈവരിച്ചെങ്കിലും വലിയ രീതിയിലുള്ള സാമ്പത്തിക അസന്തുലിതാവസ്ഥ രാജ്യത്തുണ്ടെന്ന് ഇക്കണോമിക് അഡൈ്വസര് വിംഗ് അറിയിച്ചിരുന്നു.ജൂലൈ ഒന്നിന് ആരംഭിക്കുന്ന സാമ്പത്തിക വര്ഷത്തില് പണപ്പെരുപ്പം 15 ശതമാനത്തിലധികമാകാന് സാധ്യതയുണ്ടെന്ന് പാകിസ്താന് നേരത്തെ മുന്നറിയിപ്പ് നല്കിയിരുന്നു.
ആഗോളത്തലത്തില് വിലക്കയറ്റം വര്ദ്ധിക്കുന്നതിനാല് ഡിമാന്ഡ് മാനേജ്മെറ്റ് നയങ്ങള് നിഷ്ഫലമാകുമെന്ന് പാകിസ്താന് സ്റ്റേറ്റ് ബാങ്ക് അറിയിച്ചു.
വിലക്കയറ്റം വര്ദ്ധിക്കുന്നതിനാല് സബ്സിഡികള് ഇനിയും നല്കാന് കഴിയില്ലെന്നും മുന് സര്ക്കാരിന്റെ നയങ്ങളാണ് രാജ്യത്തെ സമ്പത്ത് വ്യവസ്ഥയെ വഷളാക്കിയതെന്നും ധനകാര്യമന്ത്രി മിഫ്ത ഇസ്മായില് പറഞ്ഞു.
Comments