പ്രമുഖ ക്യാമറ നിർമാതാക്കളായ നിക്കോൺ തങ്ങളുടെ പുതിയ മിറർലെസ് ക്യാമറ മോഡൽ പുറത്തിറക്കി Z30 ആണ് പുതിയ മോഡൽ. 20MP APS-C മിറർലെസ് ക്യാമറയാണ് Z30 ഭാരം കുറഞ്ഞതും ചെറുതും വ്ലോഗിംഗിനും സ്ട്രീമിംഗിനുമുള്ള ഫീച്ചറുകൾ അടങ്ങിയിട്ടുളള ക്യാമറ വിപണിയിൽ ഹിറ്റാകുമെന്ന പ്രതീക്ഷയിലാണ് കമ്പനി. മികവാർന്ന ഫോക്കസ്, മൃദുവായ പശ്ചാത്തലങ്ങൾ, ഗുണനിലവാരമുള്ള ഓഡിയോ എന്നിവ ഉപയോഗിച്ച് പ്രൊഫഷണൽ രൂപത്തിലുള്ള 4K UHD വീഡിയോ സ്ഥിരമായി പകർത്താൻ ഈ ക്യാമറ സഹായിക്കുമെന്ന് നിക്കോൺ പറയുന്നത്.
Z30-ന് രണ്ട് മണിക്കൂറിലധികം (125 മിനിറ്റ്) ഫുൾ എച്ച്ഡി വീഡിയോ റെക്കോർഡ് ചെയ്യാൻ കഴിയും, കൂടാതെ 4K 30p-ൽ 35 മിനിറ്റ് വരെ ദൈർഘ്യമുള്ള വീഡിയോകൾ റെക്കോർഡ് ചെയ്യാനും ഇതിൽ സാധിക്കും. 4K യുടെ അധിക റെസല്യൂഷൻ ഉപയോക്താക്കൾക്ക് പഞ്ച് ഇൻ ചെയ്യാനും ഷോട്ടുകൾ ക്രോപ്പ് ചെയ്യാനും പറ്റുന്നവയാണ്. അതേസമയം 120p വരെ ഫുൾ എച്ച്ഡിയിൽ സ്ലോ-മോഷൻ വീഡിയോ ഷൂട്ട് ചെയാം . Z മിറർലെസ് ക്യാമറകളിൽ ഏറ്റവും ചെറുതും ഭാരം കുറഞ്ഞതുമാണ് നിക്കോൺ Z 30.
Z30 പരമാവധി ഷട്ടർ സ്പീഡ് വാഗ്ദാനം ചെയ്യുന്നു. 1/4000 സെക്കൻഡ് വരെ, ഫുൾ റെസല്യൂഷൻ RAW-ൽ സെക്കൻഡിൽ 11 ഫ്രെയിമുകൾ (fps) വരെ ഷൂട്ട് ചെയ്യാം. ക്യാമറയ്ക്ക് 100 മുതൽ 51,200 വരെ ഐഎസ്ഒ സെൻസിറ്റിവിറ്റി ഉണ്ട്. പരമാവധി വീഡിയോകൾക്ക് 25600 വരെയും ഫോട്ടോകൾക്ക് 51200 വരെയുമാണ് ഐഎസ്ഒ സെൻസിറ്റിവിറ്റി . ഐ ഡിറ്റൻഷൻ , ഓട്ടോ ഫോക്കസ് ,മുഴുവൻ സമയ ഓട്ടോ ഫോക്കസ് ,സിംഗിൾ ഓട്ടോ ഫോക്കസ് , തുടർച്ചയായ ഓട്ടോ ഫോക്കസ്,മാനുവൽ ഫോക്കസ് തുടങ്ങി നിരവധി ഫോക്കസ് മോഡുകൾ ക്യാമറയിൽ ഉൾപ്പെടുത്തിയിട്ടുണ്ട്
നിക്കോൺ Z30 പ്രധാന സവിശേഷതകൾ
- 20.8MP DX-ഫോർമാറ്റ് CMOS സെൻസർ
- UHD 4K30p, ഫുൾ HD 120p വീഡിയോ
- വ്ലോഗിംഗ്-ഒപ്റ്റിമൈസ് ചെയ്ത ഡിസൈൻ
- കണ്ണും മുഖവും തിരിച്ചറിയുന്ന ഹൈബ്രിഡ് ഓട്ടോ ഫോക്കസ്
- 3″ 1.04m-ഡോട്ട് ഫ്രീ-ആംഗിൾ ടച്ച്സ്ക്രീൻ എൽസിഡി
- ISO 100-51200, 11 fps വരെ ഷൂട്ടിംഗ്
- ബിൽറ്റ്-ഇൻ സ്റ്റീരിയോ മൈക്ക്
- ടാലി ലാമ്പും ഡെഡിക്കേറ്റഡ് സെൽഫി കൺട്രോളുകളും
- EN-EL25 ബാറ്ററി
ക്യാമറയുടെ വില 709 ഡോളർ ഏകദേശം 56,000 രൂപ മുതൽ ആരംഭിക്കുന്നു. 16-50mm VR ലെൻസുള്ള ഒരു കിറ്റിന്റെ വില 849 ഡോളർ ഏകദേശം 67104 രൂപയാണ്
