ഉന്നതവിദ്യാഭ്യാസമുണ്ടായിട്ടും ജോലി ലഭിക്കുന്നില്ല എന്ന പരാതിപ്പെട്ട് നിരാശരായി പിൻവാങ്ങുന്നവർ ബംഗളൂരുവിലെ അമൻ ഖണ്ഡേൽവാൾ എന്ന യുവാവിനെ ഒന്ന് പരിചയപ്പെടണം. സ്വപ്ന ജോലി ലഭിക്കുന്നതിനായി തന്റേതായ വഴികൾ തിരഞ്ഞെടുത്തിരിക്കുകയാണ് ഈ യുവാവ്. ഇയാളുടെ രസകരമായ ജോലി അന്വേഷണവും റെസ്യുമെ അയക്കലുമാണ് ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുകയാണ്.
ഏതെങ്കിലും കമ്പനിയിൽ അസോസിയേറ്റ് പ്രാെഡക്ട് മാനേജരോ അല്ലെങ്കിൽ മാനേജർ ട്രെയിനിയോ ആവുകയാണ് അമന്റെ ആഗ്രഹം. അതിനായി നിരന്തരം പരിശ്രമിച്ച അമനിന് പക്ഷേ നിരാശയായിരുന്നു ഫലം. ഒടുവിൽ കണ്ടെത്തിയ വഴിയാണ് ഇപ്പോൾ ചർച്ചാ വിഷയമായിരിക്കുന്നത്. ഭക്ഷണവിതരണ ശൃംഖലയായ സൊമാറ്റോയുടെ ഡെലിവറി ജീവനക്കാരുടെ വേഷം ധരിച്ചാണ് അമൻ ജോലിയ്ക്കായി ശ്രമം നടത്തുന്നത്.
സൊമാറ്റോ ജീവനക്കാരന്റെ വേഷത്തിൽ ഡെലിവറിക്കെന്ന വ്യാജേനയാണ് അമൻ എത്തുന്നത്. കമ്പനികളിലെത്തുന്ന അമൻ അവിടെ പേസ്റ്ററികളടങ്ങിയ ഒരു ബോക്സും കൂടെ തന്റെ റെസ്യൂമയും വെയ്ക്കുന്നു.”‘ റെസ്യൂമകളിൽ ഭൂരിഭാഗവും ചവറ്റുകുട്ടകളിൽ എത്തുന്നു, എന്നാൽ എന്റേത് നിങ്ങളുടെ വയറുകളിൽ എന്ന കുറിപ്പോടെയാണ് ”അമൻ തന്റെ റെസ്യൂമയും പേസ്റ്റിറിയും ഡെലിവർ ചെയ്യുന്നത്. റെസ്യൂമെ ശ്രദ്ധയിൽപ്പെട്ട ചിലർ ഇത് സമൂഹമാദ്ധ്യമങ്ങളിൽ പോസ്റ്റ് ചെയ്തു. പിന്നാലെ അമൻ ഇതിന് പിന്നിൽ താനാണെന്ന് പറഞ്ഞ് രംഗത്തെത്തുകായിരുന്നു. പിന്തുണച്ചതിന് ആളുകൾക്ക് നന്ദി പറഞ്ഞാണ് യുവാവ് സമൂഹമാദ്ധ്യമങ്ങളിലൂടെ പ്രത്യക്ഷപ്പെട്ടത്.
സംഭവമറിഞ്ഞ സൊമാറ്റോയും പ്രതികരണവുമായി രംഗത്തെത്തിയിട്ടുണ്ട്. ഒറ്റ നോട്ടത്തിൽ ആൾമാറാട്ടം എന്നാണ് യുവാവിന്റെ പ്രവൃത്തിയെ സൊമാറ്റോ വിശേഷിപ്പിച്ചത്. ഹേയ് അമൻ, നിങ്ങളുടെ ആശയം വളരെ മികച്ചതും അർത്ഥവത്തുമായിരുന്നു, പക്ഷേ ആൾമാറആട്ടം അത്ര രസകരമായി തോന്നുന്നില്ല എന്നായിരുന്നു സൊമാറ്റോ ട്വിറ്ററിൽ കുറിച്ചത്.എന്തായാലും വേറിട്ട വഴിയിലൂടെ ജോലിക്കായി പരിശ്രമിച്ച ഈ യുവാവിന് ഏതെങ്കിലും കമ്പനികൾ ജോലി നൽകുമോ എന്ന് ഉറ്റു നോക്കുകയാണ് ആളുകൾ.
Comments