ന്യൂഡൽഹി: രാജ്യതലസ്ഥാനത്ത് മതിലിടിഞ്ഞ് അഞ്ച് മരണം. ഡൽഹിയിലെ അലിപൂരിൽ നിർമ്മാണത്തിലിരിക്കുന്ന ഗോഡൗണിന്റെ മതിലിടിഞ്ഞാണ് അപകടം സംഭവിച്ചത്. അപകടത്തിൽ 15 ഓളം പേർക്ക് പരിക്കേറ്റതായും നിരവധി പേർ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായും ഡൽഹി അഗ്നിശമനസേന വ്യക്തമാക്കി.
നാല് അഗ്നിശമനാ യൂണിറ്റുകൾ ചേർന്ന് സംഭവസ്ഥലത്ത് രക്ഷാപ്രവർത്തനം നടത്തുകയാണ്. ഇന്ന് ഉച്ചയോടെയാണ് അപകടം സംഭവിച്ചത്. ദുരിതാശ്വാസ പ്രവർത്തനങ്ങൾ ഇതിനോടകം ആരംഭിച്ച് കഴിഞ്ഞെന്നും താൻ നേരിട്ട് നിരീക്ഷണം നടത്തുന്നുണ്ടെന്നും ഡൽഹി മുഖ്യമന്ത്രി അരവിന്ദ് കെജ്രിവാൾ അറിയിച്ചു.
അപകടത്തിൽ മരിച്ചവർക്ക് അദ്ദേഹം അനുശോചനം രേഖപ്പെടുത്തി. അപകടത്തിന്റെ കാരണം ഇത് വരെ കണ്ടെത്താനായിട്ടില്ല. കനത്ത മഴയെത്തുടർന്ന് മതിലിന് കേടുപാടുകൾ പറ്റിയതാണോ അപകടത്തിന് കാരണമെന്ന് പരിശോധിച്ച് വരികയാണ്.
