മനുഷ്യരാശിയ്ക്ക് ഏറ്റവും ഉപകാരപ്രദമായ ഒന്നാണ് കണ്ടുപിടുത്തങ്ങൾ. ജോലികൾ ലഘൂകരിക്കാനും നല്ല ആരോഗ്യത്തിനും ചികിത്സയ്ക്കും യാത്രയ്ക്കും എന്നുവേണ്ട എല്ലാ മേഖലകളിലും കണ്ടുപിടുത്തം ലോകത്തിന് അനുഗ്രഹമാണ്. ചില കണ്ടുപിടുത്തങ്ങൾ അബദ്ധത്തിൽ സംഭവിച്ചതാണെങ്കിലും അവ ലോകത്തിന് ഉപകാരപ്രദമാകാറുണ്ട്. എന്നാൽ എന്തിനോ വേണ്ടി തിളയ്ക്കുന്ന സാമ്പാർ എന്ന് പറയുന്ന പോലെ ചില മണ്ടൻ കണ്ടുപിടുത്തങ്ങളും ലോകത്ത് സംഭവിക്കാറുണ്ട്.
കണ്ടുപിടുത്തങ്ങളുടെ പേരിൽ പ്രശസ്തിയാർജ്ജിച്ച ആളുകളെപോലെ തന്നെയാണ് മാറ്റി ബെനറ്റെഡോ എന്നയാളും. ഒരു ഡിസൈനറായ ഇയാൾ കൗതുകത്തിനായി കണ്ടുപിടിച്ച ചില സാധനങ്ങൾ പലരും മണ്ടൻ കണ്ടുപിടുത്തത്തിന്റെ ഗണത്തിലാണ് കൂട്ടുന്നത്.മാറ്റിയുടെ ചില കണ്ടുപിടുത്തങ്ങൾ നോക്കാം…
പൊതുസ്ഥലത്ത് പോയാൽ ഭക്ഷണം ആളുകളുടെ മുമ്പിൽ വെച്ച് കഴിക്കാൻ മടിയുള്ളവർക്കായി മാറ്റി കണ്ടുപിടിച്ച ഒന്നാണ് മിനി കർട്ടനാണ് ആദ്യത്തേത്. മൂക്കിൽ ഘടിപ്പിക്കാവുന്ന ഈ കർട്ടൻ ഉപയോഗിച്ച് പൊതുസ്ഥലത്തിരുന്നും ഭക്ഷണം ആസ്വദിക്കൂ എന്നാണ് മാറ്റി പറയുന്നത്.
നല്ലമഴ അല്ലേ എന്നാൽ കുടപിടിക്കാൻ മടിയാണോ എന്നാൽ ഈ ഉപകരണം ഉപയോഗിക്കൂ എന്നാണ് മാറ്റി പറയുന്നത്. ഹോവർബ്രെല്ല എന്നാണ് ഉപകരണത്തിന്റെ പേര്. ഒരു ചെറിയ ഡ്രോണിൽ ഘടിപ്പിച്ച കുടയാണ് സംഭവം.
നൂഡിൽസ് മുറിയ്ക്കുന്ന ഒരു യന്ത്രമാണ് മറ്റൊന്ന്. നൂഡിസ് ഫോർക്ക് ഉപയോഗിച്ച് എടുത്ത് ഈ യന്ത്രത്തിന് സമീപത്ത് വെയ്ക്കുമ്പോൾ നീളമേറിയ നൂഡിൽസ് കഷ്ണങ്ങളാകുന്നു.
എവിടെയെങ്കിലും പോകുമ്പോൾ ഫോൺ കൈയ്യിൽ പിടിക്കാൻ വിഷമിക്കുന്ന ആളുകൾക്കായും മാറ്റി ഒരു ഉപകരണം കണ്ടുപിടിച്ചിട്ടുണ്ട്. ഫോൺ ഹോൾഡർ ഘടിപ്പിച്ച ഒരു തൊപ്പിയാണ് ഇത്.
പിറന്നാൾ കേക്കിലെ മെഴുതിരികൾ ഊതി കെടുത്താൻ ഇഷ്ടമല്ലാത്തവരാണ് നിങ്ങളെങ്കിൽ മാറ്റിയുടെ ഒരു ഉപകരണം നിങ്ങളെ സഹായിക്കും. ഇതിലൂടെ ഓരോ മെഴുകുതിരിയെയും ഊതാതെ കെടുത്താൻ സാധിക്കും.
