ബർമിങ്ങാം: കോമൺവെൽത്ത് ഗെയിംസിൽ ഇന്ത്യയ്ക്ക് ആറാം സ്വർണം. പാരാ പവർലിഫ്റ്റിംഗിൽ സുധീർ ആണ് സ്വർണം നേടിയത്. കോമൺവെൽത്ത് ഗെയിംസിൽ റെക്കോർഡ് തിരുത്തിയാണ് സുധീറിന്റെ സ്വർണ നേട്ടം.
കോമൺവെൽത്തിൽ പാരാ ലിഫ്റ്റിംഗ് വിഭാഗത്തിൽ ആദ്യമായാണ് ഇന്ത്യ സ്വർണം നേടുന്നത്. നൈജീരിയയുടെ ഇക്കേച്ചുക്വുവിനെ 0.9 പോയിന്റുകൾക്ക് തോൽപ്പിച്ചാണ് സുധീർ സ്വർണം ഉറപ്പിച്ചത്. ഫൈനലിൽ 134.5 പോയിന്റ് സുധീർ നേടി. 212 കിലോ ഗ്രാം ഭാരമാണ് സുധീറിന് ഉയർത്താനായത്.
Sudhir opens India's medal tally at #CWG2022. Congratulations on your 🥇 medal at your first CWG. Yet another athlete from Haryana makes a mark on the world stage. With the display of skill and spirit on the mat today you showed the world what champions are made of. pic.twitter.com/5YKjUF6pMF
— Anurag Thakur (@ianuragthakur) August 4, 2022
ഹരിയാന സ്വദേശിയായ സുധീർ കർഷക കുടുംബത്തിൽ നിന്നുള്ളയാളാണ്. കോമൺവെൽത്ത് ഗെയിംസിൽ ആദ്യമായിട്ടായിരുന്നു സുധീർ പങ്കെടുത്തത്. ഭാരോദ്വഹനത്തിൽ മുതിർന്ന പരിശീലകനായി ജോലി ചെയ്യുന്ന സുധീർ ഹരിയാനയിൽ സർക്കാർ വകുപ്പിലാണ് പ്രവർത്തിക്കുന്നത്.
ഇതിനിടെ ലോംങ് ജംപിൽ ഇന്ത്യയുടെ പ്രതീക്ഷ കാത്ത് എം. ശ്രീശങ്കർ വെള്ളി നേടി. 8.08 മീറ്റർ ചാടിയായിരുന്നു ശ്രീശങ്കർ വെള്ളി നേടിയത്. ഇതോടെ ലോംങ് ജംപിൽ വെള്ളി നേടുന്ന ആദ്യ ഇന്ത്യക്കാരനായി മലയാളി താരം ശ്രീശങ്കർ മാറി.
Comments