ജീവിതത്തിൽ ആദ്യമായി പ്രിയപ്പെട്ട ഒരാളിൽ നിന്നും ലഭിക്കുന്ന സമ്മാനം നാം ഒരിക്കലും മറക്കില്ല. അതിനി എത്ര ചെറുതാണെങ്കിലും . ചില സാഹചര്യങ്ങളിൽ ആ സമ്മാനത്തെ പറ്റി മറ്റുള്ളവർക്ക് മുന്നിൽ പലരും വെളിപ്പെടുത്തലുകൾ നടത്താറുമുണ്ട്. അത്തരത്തിലോരു അനുഭവം പങ്കുവച്ചിരിക്കുകയാണ് ക്രിക്കറ്റ് ഇതിഹാസം സച്ചിൻ തെണ്ടുൽക്കർ.
രക്ഷാബന്ധൻ ദിനത്തിലാണ് തനിക്ക് ആദ്യമായി ക്രിക്കറ്റ് ബാറ്റ് സമ്മാനിച്ച സഹോദരി സവിതയെ കുറിച്ച് സച്ചിൻ വെളിപ്പെടുത്തൽ നടത്തിയത്. ഇൻസ്റ്റാഗ്രാമിലൂടെയാണ് സവിതയ്ക്കും സഹോദരൻമാരായ നിതിൻ, അജിത്ത് എന്നിവർക്കൊപ്പവും നിൽക്കുന്ന ചിത്രം പങ്കുവെച്ചു കൊണ്ട് താരം എത്തിയത്.
സച്ചിന്റെ വാക്കുകൾ ഇങ്ങനെ
‘ എപ്പോഴും എന്റെ കൂടെ നിൽക്കുകയും, ആദ്യമായി ബാറ്റ് സമ്മാനമായി നൽകുകയും ചെയ്ത നിങ്ങളാണ് എന്റെ ജീവിതത്തിലെ ഏറ്റവും വിലപിടിപ്പുള്ള സമ്മാനം . എല്ലാവർക്കും രക്ഷാബന്ധൻ ആശംസകൾ ‘
ഇന്ത്യയിൽ നിന്നുള്ള മുൻ ക്രിക്കറ്റ് താരം, ലോകം കണ്ടെതിൽ വച്ച് ഏറ്റവും മികച്ച ക്രിക്കറ്റ് കളിക്കാരൻ , ക്രിക്കറ്റിന്റെ ഇതിഹാസം അങ്ങനെ നീളുന്നു താരത്തിന്റെ സവിശേഷതകൾ. ഇവക്കെല്ലാം പുറമെ ഇന്ത്യൻ പാർലമെന്റ് അംഗം. അന്താരാഷ്ട്ര ക്രിക്കറ്റിൽ നൂറ് ശതകങ്ങൾ തികച്ച ആദ്യത്തെ കളിക്കാരനാണ് സച്ചിൻ.ടെസ്റ്റ് ക്രിക്കറ്റിലും, ഏകദിന ക്രിക്കറ്റിലുമായി നിരവധി റെക്കോർഡുകൾ സച്ചിന്റെ പേരിലുണ്ട്.
