കൊച്ചി: ഉണ്ണി മുകുന്ദൻ നായകാനായി എത്തുന്ന വൈശാഖ് ചിത്രം പ്രഖ്യാപിച്ചു. ചിത്രത്തിന്റെ പോസ്റ്റർ നടൻ പുറത്തുവിട്ടു. എല്ലാ പ്രവൃത്തിയ്ക്കും ഒരു അനന്തരഫലമുണ്ടാകും എന്ന ടാഗ് ലൈനാണ് പോസ്റ്ററിന്റെ സവിശേഷത.
ബ്രൂസ് ലീ എന്ന് പേരിട്ടിരിക്കുന്ന ചിത്രത്തിന് ഉദയകൃഷ്ണനാണ് തിരക്കഥയൊരുക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ചിത്രം നിർമ്മിക്കുന്നത്. തിയേറ്ററുകളിൽ വൻ വിജയം നേടിയ മല്ലു സിംഗിന് ശേഷം ഉണ്ണി-വൈശാഖ് കൂട്ടുകെട്ടിലെത്തുന്ന ചിത്രമാണ് ഇത്.
50 കോടിക്ക് മുകളിൽ മുതൽമുടൽക്കിലാണ് ചിത്രം നിർമ്മിക്കുന്നത്. പൂർണ്ണമായും ഒരു ആക്ഷൻ എന്റർടൈനറായി ഒരുങ്ങുന്ന ചിത്രം വിദേശരാജ്യങ്ങളിൽ അടക്കം ചിത്രീകരണം പദ്ധതി ചെയ്തിട്ടുണ്ട്. മലയാള സിനിമയിൽ വന്നതിൽ വച്ച് ഏറ്റവും ചെലവ് കൂടിയ ഒരു ആക്ഷൻ ചിത്രമായിരിക്കും ബ്രൂസ് ലീ. ഷാജികുമാർ ആണ് ചിത്രത്തിനുവേണ്ടി ക്യാമറ കൈകാര്യം ചെയ്യുന്നത്. സെപ്റ്റംബർ മാസം അവസാനത്തോടെ ചിത്രീകരണം തുടങ്ങുവാനാണ് അണിയറ പ്രവർത്തകർ ഒരുങ്ങുന്നത്.
അതിസാഹസിക രംഗങ്ങളുള്ള സിനിമയ്ക്കായി കളരി പഠിക്കാൻ നടൻ കണ്ണൂരിലെ ചെറുപുഴയിലെത്തിയത് വലിയ വാർത്തയായിരുന്നു.
Comments