തങ്ങളുടെ 125 സിസി മോട്ടോർ സൈക്കിളായ ഷൈനിന്റെ പുതിയ സെലിബ്രേഷൻ എഡിഷൻ പുറത്തിറക്കി ഹോണ്ട. ഡ്രം വേരിയന്റിന് 78,878 രൂപയാണ് എക്സ്ഷോറൂം വില. ഡിസ്ക് വേരിയന്റും ഉപഭോക്താക്കൾക്ക് ലഭിക്കും. സ്റ്റാൻഡേർഡ് ഷൈനുമായി താരതമ്യപ്പെടുത്തുമ്പോൾ കോസ്മെറ്റിക് അപ്ഗ്രേഡുകളോടെയാണ് സെലിബ്രേഷൻ എഡിഷൻ വരുന്നത്. മാറ്റ് സ്റ്റീൽ ബ്ലാക്ക് മെറ്റാലിക്, മാറ്റ് സാംഗ്രിയ റെഡ് മെറ്റാലിക് എന്നിങ്ങനെ രണ്ട് നിറങ്ങളിലാണ് പുതിയ ഷൈൻ ലഭിക്കുക.
ഷൈൻ സെലിബ്രേഷൻ എഡിഷനിലും ഹോണ്ടയുടെ ഗോൾഡൻ തീം പിന്തുടരുന്നു. പ്രീമിയം ഫീൽ നൽകുന്ന ബ്രൗൺ നിറത്തിലാണ് പുതിയ ഷൈനിന്റെ സീറ്റ് പൂർത്തിയാക്കിയിരിക്കുന്നത്. മാറ്റ് ആക്സിസ് ഗ്രേ മെറ്റാലിക്കിൽ മഫ്ളർ പൂർത്തിയാക്കിയിരിക്കുന്നു. 125 സിസി എന്നതിൽ കമ്പനി മാറ്റങ്ങളൊന്നും വരുത്തിയിട്ടില്ല. അതിനാൽ, ഫ്യുവൽ ഇഞ്ചക്ഷൻ ലഭിക്കുന്നതും എയർ-കൂൾഡ് ആയതുമായ 123.94 സിസി, ഫോർ-സ്ട്രോക്ക് എഞ്ചിനുമായി വാഹനം തുടരുന്നു.
എഞ്ചിൻ 7,500 ആർപിഎമ്മിൽ 10.5 എച്ച്പി പരമാവധി കരുത്തും 6,000 ആർപിഎമ്മിൽ 11 എൻഎം പരമാവധി ടോർക്കും ഉത്പാദിപ്പിക്കും. കിക്ക് സ്റ്റാർട്ടറും സെൽഫ് സ്റ്റാർട്ടറും ഉപയോഗിച്ച് വാഹനത്തിന്റെ എഞ്ചിൻ സ്റ്റാർട്ട് ചെയ്യാം. 5 സ്പീഡ് യൂണിറ്റ് ട്രാൻസ്മിഷനാണ് വാഹനത്തിനുള്ളത്. മുന്നിലും പിന്നിലും 130 എംഎം ഡ്രമ്മാണ് ബ്രേക്കിംഗ് നിർവ്വഹിക്കുന്നത്. മുൻവശത്ത് 240 എംഎം ഡിസ്ക് ലഭിക്കുന്ന ഒരു ഡിസ്ക് വേരിയന്റുമുണ്ട്. മുന്നിലും പിന്നിലും 80/100 ടയറുകളിൽ 15 ഇഞ്ച് അലോയ് വീലുകളും വാഹനത്തിന് ലഭിക്കുന്നു. രണ്ടും ട്യൂബ്ലസ് ടയറുകളാണ്.
