തിരുവനന്തപുരം: കമ്യൂണിസ്റ്റ് സർക്കാരുകൾക്കെതിരെ രൂക്ഷ വിമർശനവുമായി സുപ്രീം കോടതി റിട്ട. ജസ്റ്റിസ് ഇന്ദു മൽഹോത്ര. ഹിന്ദു ക്ഷേത്രങ്ങളിൽ സർക്കാരുകൾ കൈ കടത്തുന്ന നിലപാടിനെയാണ് ഇന്ദു മൽഹോത്ര ചോദ്യം ചെയ്തിരിക്കുന്നത്. ശ്രീ പത്മനാഭ സ്വാമി ക്ഷേത്രത്തെ മുൻ നിർത്തിയാണ് ഇടത് സർക്കാരുകളുടെ ഹിന്ദുവിരുദ്ധ നിലപാടുകളെ മുൻ ജസ്റ്റിസ് ചൂണ്ടിക്കാണിച്ചിരിക്കുന്നത്.
ഹിന്ദുക്ഷേത്രങ്ങൾ കമ്യൂണിസ്റ്റ് സർക്കാരുകൾ കയ്യടക്കി. ശ്രീപദ്മനാഭസ്വാമി ക്ഷേത്രത്തിലും ഇത്തരത്തിൽ ശ്രമം നടന്നു. എന്നാൽ താനും ചീഫ് ജസ്റ്റിസ് യു.യു.ലളിതും ചേർന്ന് അത് അവസാനിപ്പിച്ചെന്നും മുൻ ജസ്റ്റിസ് ഇന്ദു മൽഹോത്ര പറഞ്ഞു. വരുമാനം കണ്ടാണ് ഇത്തരത്തിൽ ഹിന്ദു ക്ഷേത്രങ്ങൾ കമ്യൂണിസ്റ്റ് സർക്കാരുകൾ ഏറ്റെടുക്കുന്നതെന്നും അവർ തുറന്നു പറഞ്ഞു. ശബരിമല വിധി പുറപ്പെടുവിച്ചത് ഇന്ദു മൽഹോത്ര ഉൾപ്പെ ട്ട ബഞ്ചാണ്.
