ന്യൂയോർക്ക്: യുഎസ് ഓപ്പണിന്റെ തുടക്കത്തിൽ തന്നെ അട്ടിമറി. നിലവിലെ വനിതാ ചാമ്പ്യൻ എമ്മ റാഡുകാനുവും ജപ്പാന്റെ നവോമി ഒസാകയും ആദ്യ റൗണ്ടിൽ തന്നെ പുറത്തായി. എമ്മയെ 6-3,6-3ന് നേരിട്ടുള്ള സെറ്റുകൾക്ക് ആലിസ് കോർനെറ്റ് അട്ടിമറിച്ചപ്പോൾ ഒസാകയെ 7-6, 6-3ന് കോളിൻസും ടൂർണമെന്റിൽ നിന്നും പുറത്താക്കി.
കഴിഞ്ഞ ദിവസം സിമോണ ഹാലെപ്പും, റൈബാക്കിനയും സോഫിയ കെനിനും ആദ്യ റൗണ്ടിൽ തന്നെ പുറത്തുപോയിരുന്നു.
അമേരിക്കയുടെ കൗമാര താരം കോക്ക ഗൗഫ്, പെട്രാ വിറ്റോവ, ആര്യാന സബാലേങ്ക, ഡാൽമി ഗാൽഫി, മറീനാ സാനേസ്‌ക, സ്‌നിഗർ, മാന്ഡഡിലിക്, ആന്ദ്രേസ്‌ക്യൂ, ബ്യൂറേൽ, പോറ്റാപ്പോവ, കാലീനീന, സ്റ്റീഫെൻസൺ എന്നീ താരങ്ങൾ രണ്ടാം റൗണ്ടിലേയ്‌ക്ക് കടന്നു.
