മോഹൻലാൽ എന്നും മലയാളികൾക്ക് പ്രിയപ്പെട്ട താരമാണ്. ലാലേട്ടൻ എന്ന ഓമനപ്പേരിൽ താരത്തെ മലയാളക്കര ഒന്നടങ്കം പ്രതിഷ്ഠിച്ചിരിക്കുന്നത് തങ്ങളുടെ ഹൃദയത്തിലാണ്. അതിനാൽ തന്നെ താരവുമായി ബന്ധപ്പെട്ട് പുറത്ത് വരുന്ന വാർത്തകൾ ആഘോഷ പൂർവ്വമാണ് ആരാധകർ ഏറ്റെടുക്കുന്നത്. ഇപ്പോഴിതാ സമൂഹമാദ്ധ്യമത്തിൽ നിമിഷ നേരം കൊണ്ട് വൈറലായിരിക്കുന്നത് ഒരു പൂക്കളമാണ്.
ഇത് വെറും ഒരു പൂക്കളം അല്ല. മോഹൻലാലിന്റെ മുഖമുള്ള പൂക്കളമാണ്. തിരുവനന്തപുരം എംജി കോളേജിലെ ഓണാഘോഷത്തിലാണ് മോഹൻലാലിന്റെ മുഖമുള്ള അത്തപ്പൂക്കളം പ്രത്യക്ഷപ്പെട്ടത്. മോഹൻലാൽ ഫാൻസ് ക്ലബ് എന്ന ഫേസ്ബുക്ക് പേജിലാണ് പൂക്കളത്തിന്റെ വീഡിയോ എത്തിയത്.
പോസ്റ്റ് ചെയ്ത് നിമിഷ നേരം കൊണ്ട് നിരവധി കാഴ്ചക്കാരാണ് വീഡിയോ കണ്ടത്. മീശ പിരിച്ച് നിൽക്കുന്ന മോഹൻ ലാലിനെയാണ് പൂക്കളത്തിൽ കാണാൻ സാധിക്കുന്നത്. അതേസമയം എമ്പുരാൻ, റാം,മോൺസ്റ്റർ, എലോൺ, എന്നിവയാണ് താരത്തിന്റേതായി
പ്രഖ്യാപിക്കപ്പെട്ടിരിക്കുന്ന പ്രധാന ചിത്രങ്ങൾ. പൃഥ്വിരാജിന്റെ സംവിധാനത്തിൽ പുറത്തിങ്ങിയ ലൂസിഫർ എന്ന ചിത്രത്തിന്റെ രണ്ടാം ഭാഗമാണ് എമ്പുരാൻ. മോഹൻലാൽ ആദ്യമായി സംവിധാനം ചെയ്ത ബറോസിന്റെ ഷൂട്ടിങ്ങും അടുത്തിടെ അവസാനിച്ചിരുന്നു. ഇന്ത്യയിലെ ആദ്യ ത്രീഡി ചിത്രമായിരുന്ന ‘മൈ ഡിയർ കുട്ടിച്ചാത്തൻ’ സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹൻലാൽ സിനിമയൊരുക്കുന്നത്.
റാം എന്ന ചിത്രത്തിലാണ് മോഹൻലാൽ ഇപ്പോൾ അഭിനയിച്ചു കൊണ്ടിരിക്കുന്നത്. ദൃശ്യം, ദൃശ്യം 2, ട്വൽത്ത് മാൻ തുടങ്ങിയ സൂപ്പർ ഹിറ്റ് ചിത്രങ്ങൾക്ക് ശേഷം ജീത്തു ജോസഫ്- മോഹൻലാൽ കൂട്ടുകെട്ട് ഒന്നിക്കുന്ന ചിത്രം കൂടിയാണിത്. തെന്നിന്ത്യൻ താരം തൃഷയാണ് ചിത്രത്തിൽ നായികയായി എത്തുക.
