ന്യൂയോർക്ക്; യുഎസ് ഓപ്പൺ ടെന്നീസിൽ സ്പെയിന്റെ റാഫേൽ നദാൽ മൂന്നാം റൗണ്ടിൽ കടന്നു. ഫാബിയോ ഫോഗിനിയെ 2-6, 6-4, 6-2, 6-1നാണ് നദാൽ തകർത്തത്. മൂന്നാം റൗണ്ടിൽ റിച്ചാർഡ് ഗാസ്ഗെറ്റാണ് എതിരാളി.
മറ്റ് മത്സരങ്ങളിൽ 7-ാം കാമറൂൺ നോറീ, 15-ാം സീഡ് മാറിൻ സിലിക്, മൂന്നാം സീഡ് അൽകാരിസ് ഗാർഫിയ, 11-ാം സീഡ് ജെ.സിന്നർ, 19-ാം സീഡ് ഡേവിഡ് ഷാപ്പാലോവ്, 26-ാം ലോറെൻസോ മുസേറ്റി, റിച്ചാർഡ് ഗ്വാസ്കെറ്റ്, ഡിഗോ ഷാറ്റ്സ്മാൻ, ഫ്രാൻസ് തിയോഫേ, ഇല്ല്യാ ഇവാഷ്ക എന്നിവരും മൂന്നാം റൗണ്ടിൽ കടന്നു.
മത്സരത്തിനിടെ മൂക്കിന് പന്തുകൊണ്ടുള്ള പരിക്ക് തന്റെ അടുത്ത മത്സരത്തിലെ പ്രകടനത്തെ യാതൊരു വിധത്തിലും ബാധിക്കില്ലെന്ന് നദാൽ പറഞ്ഞു. കൊറോണ വാക്സിൻ എടുക്കില്ലെന്ന് തീരുമാനിച്ചതിനാൽ സെർബിയയുടെ താരം നൊവാക് ജോക്കോവിച്ച് മത്സരിക്കാത്ത ടൂർണമെന്റിൽ ജയസാദ്ധ്യത നദാലിനാണ്.
Comments