മലയാളികളുടെ പ്രിയ താരങ്ങളാണ് മഞ്ജു വാര്യരും തമിഴ് നടൻ അജിത്തും. താരങ്ങളെ സംബന്ധിച്ച് പുറത്ത് വരുന്ന വാർത്തകൾ വളരെ ആഘോഷത്തോടെയാണ് ആരാധകർ ഏറ്റെടുക്കുന്നത്. ഇപ്പോഴിതാ ഇരുവരും ഒന്നിച്ചുള്ള ലഡാക്ക് യാത്രയുടെ ചിത്രങ്ങൾ ആരാധകരും സമൂഹിക മാദ്ധ്യമങ്ങളും ഏറ്റെടുത്തിരിക്കുകയാണ്.
തമിഴിൽ അജിത്തിനൊപ്പം മഞ്ജു വാര്യർ എത്തുന്ന ചിത്രത്തിന്റെ ഷൂട്ടിംഗിനിടെ ഇരുവരും ഒന്നിച്ച് ബൈക്കിൽ നടത്തിയ യാത്രയുടെ ചിത്രങ്ങളാണ് ഇവ. ഇവർക്കൊപ്പം സിനിമയിലെ മറ്റ് സഹപ്രവർത്തകരും ഉണ്ട്. ലഡാക്ക്, ഹിമാചൽ തുടങ്ങിയ സ്ഥലങ്ങളിലാണ് സംഘം സഞ്ചരിച്ചത്.
മഞ്ജു തന്നെയാണ് യാത്രയുടെ ചിത്രങ്ങൾ ഫേസ്ബുക്കിലൂടെ പങ്കുവച്ചത്. ശേഷം ഇങ്ങനെ കുറിച്ചു , നാലു ചക്ര വാഹനത്തിൽ ആയിരക്കണക്കിന് മൈലുകൾ സഞ്ചരിച്ചിട്ടുണ്ടെങ്കിലും ആദ്യമായാണ് ഇരുചക്രവാഹനത്തിൽ ടൂർ നടത്തുന്നത്. ഒപ്പം ബൈക്കേഴ്സിന്റെ ത്രസിപ്പിക്കുന്ന ഗ്രൂപ്പിലേക്ക് ക്ഷണിച്ചതിന് അഡ്വഞ്ചർ റൈഡേഴ്സ് ഇന്ത്യയ്ക്ക് മഞ്ജു നന്ദിയും പറഞ്ഞു.
ചിത്രങ്ങൾ പങ്കുവച്ചതിന് പിന്നാലെ പുതു ചിത്രത്തിന് ആശംസകളുമായി നിരവധി പേരാണ് എത്തിയിരിക്കുന്നത്. ഒപ്പം ചിത്രങ്ങൾ ഇതിനോടകം ആരാധകർ ഏറ്റെടുത്ത് കഴിഞ്ഞു.
Comments