പ്രേക്ഷകരിൽ ആകാംഷ ഉണർത്തി യശോദയുടെ ടീസർ പുറത്തിറങ്ങി. സാമന്ത കേന്ദ്ര കഥാപാത്രമായി എത്തുന്ന ചിത്രത്തിൽ ഉണ്ണിമുകുന്ദനും പ്രധാന വേഷത്തിൽ എത്തുന്നുണ്ട്. ചിത്രത്തിന്റെ ചില രംഗങ്ങൾ ചേർത്താണ് ടീസർ നിർമ്മിച്ചിരിക്കുന്നത്. ഹരി-ഹരീഷ് ജോഡിയാണ് ആക്ഷൻ ത്രില്ലർ വിഭാഗത്തിൽപ്പെടുന്ന ചിത്രം സംവിധാനം ചെയ്തിരിക്കുന്നത്.
ഗർഭിണിയായാണ് സാമന്ത ചിത്രത്തിൽ എത്തുന്നത് എന്ന് ടീസർ വ്യക്തമാക്കുന്നു. ആ അവസ്ഥയിൽ ആവശ്യമായ സാഹചര്യങ്ങൾക്കപ്പുറം വളരെയധികം ഭയാനകവും ഉദ്വേഗഭരിതമായ നിമിഷങ്ങളിലൂടെയാണ് കഥാപാത്രം കടന്ന് പോകുന്നത്. 5 ഭാഷകളിലായി ആവും ചിത്രം തിയേറ്ററുകളിൽ എത്തുക.
ശ്രീദേവി മൂവീസിന്റെ ബാനറിൽ ശിവലേങ്ക കൃഷ്ണ പ്രസാദാണ് ചിത്രം നിർമ്മിക്കുന്നത്. വരലക്ഷ്മി ശരത്കുമാർ, റാവു രമേഷ്, മുരളി ശർമ്മ, സമ്പത്ത് രാജ്, ശത്രു, മധുരിമ, കൽപിക ഗണേഷ്, ദിവ്യ ശ്രീപാദ, പ്രിയങ്ക ശർമ്മ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
ചന്ദ്രബോസ്, രാമജോഗയ്യ ശാസ്ത്രി എന്നിവരുടെ വരികൾക്ക് മണിശർമ്മയാണ് സംഗീതം ഒരുക്കിയിരിക്കുന്നത്. ക്രിയേറ്റീവ് ഡയറക്ടറായി ഹേമാംബർ ജാസ്തി എത്തുമ്പോൾ ക്യാമറ നിർവ്വഹിച്ചിരിക്കുന്നത് എം. സുകുമാറാണ്.കല: അശോക്, സ്റ്റണ്ട്: വെങ്കട്ട്, എഡിറ്റർ: മാർത്താണ്ഡം കെ. വെങ്കിടേഷ്, ലൈൻ പ്രൊഡ്യൂസർ: വിദ്യ ശിവലെങ്ക, സഹനിർമ്മാതാവ്: ചിന്ത ഗോപാലകൃഷ്ണ റെഡ്ഡി.
Comments