മൂംബൈ : സെൽഫിയെടുക്കാൻ ശ്രമിച്ച ആരാധകനോട് ചൂടായി നടൻ ഋത്വിക് റോഷൻ. ആലിയ ഭട്ടും രൺബീർ കപൂറും പ്രധാന വേഷങ്ങളിലെത്തിയ ‘ബ്രഹ്മാസ്ത്ര’ സിനിമ കണ്ട് മുംബൈയിലെ തിയറ്ററിൽ നിന്ന് മടങ്ങുകയായിരുന്നു താരം. ഇതിനിടെയാണ് ആരാധകൻ
ബലം പ്രയോഗിച്ച് സെൽഫിയെടുക്കാൻ ശ്രമിച്ചത്. ഋത്വിക് റോഷൻ ആരാധകനോട് ദേഷ്യപ്പെടുന്നതിന്റെ ദൃശ്യങ്ങൾ ഇതിനോടകം സാമൂഹിക മാദ്ധ്യമങ്ങളിൽ പ്രചരിച്ചിട്ടുണ്ട്.
മക്കളായ ഹൃഹാൻ റോഷൻ, ഹൃദ്ദാൻ റോഷൻ എന്നിവർക്കൊപ്പമാണ് താരം കാറിന് സമീപത്തേക്ക് എത്തിയത്. ഈ സമയം ഒരാൾ സെക്യൂരിറ്റി ഗാർഡുകളെ മറികടന്നെത്തി ഹൃത്വിക്കിനൊപ്പം ബലം പ്രയോഗിച്ച് ഫോട്ടോ എടുക്കാൻ ശ്രമിക്കുന്നതും ദൃശ്യങ്ങളിൽ കാണാം. ആരാധകന്റെ പ്രവൃത്തിയിൽ അസ്വസ്ഥനായ താരം നിങ്ങളെന്താണ് ചെയ്യുന്നതെന്ന് ചോദിക്കുന്നതും വീഡിയോയിൽ വ്യക്തമാണ്.
വിക്രം വേദയാണ് ഋത്വിക് റോഷന്റെ പുറത്തിറങ്ങാനിരിക്കുന്ന ചിത്രം. സെയ്ഫ് അലി ഖാനൊപ്പമാണ് ഋത്വിക് സിനിമയിൽ എത്തുന്നത്.
Comments