പപ്പപ്ലോഷനോ അതോ പപ്പധമാക്കയോ ? ആലപ്പുഴയിലെ ”പപ്പടത്തല്ല്” വീഡിയോ പങ്കുവെച്ച് ആനന്ദ് മഹീന്ദ്ര ചോദിക്കുന്നു

ന്യൂഡൽഹി : ആലപ്പുഴയിൽ വിവാഹ സദ്യയ്‌ക്കിടെ ഉണ്ടായ ” പപ്പട തല്ല് ” വീഡിയോ പങ്കുവെച്ച് പ്രമുഖ വ്യവസായി ആനന്ദ് മഹീന്ദ്ര. പപ്പടം ചോദിച്ചതിന്റെ പേരിലുണ്ടായ ഈ തല്ലിനെ എന്ത് പേരിട്ട് വിളിക്കും എന്നാണ് ആനന്ദ മഹീന്ദ്ര ട്വിറ്ററിലൂടെ ചോദിക്കുന്നത്.

പപ്പാട്തമാശ, പപ്പപ്ലോഷൻ, പപ്പധമാക്ക എന്നിങ്ങനെ ചില പേരുകളും അദ്ദേഹം തന്നെ പങ്കുവെച്ചിട്ടുണ്ട്. ഇതുപോലുള്ള ചില കാരണങ്ങളാൽ നമ്മൾ ‘ ഇൻക്രെഡിബിൾ ഇന്ത്യ’ തന്നെയാണെന്നും അദ്ദേഹം പറയുന്നുണ്ട്. ആനന്ദ് മഹീന്ദ്ര പങ്കുവെച്ച വീഡിയോ നിമിഷ നേരം കൊണ്ട് വൈറലായിരിക്കുകയാണ്.

Inviting suggestions for coining a new word that means “to fight over pappadams” ‘A Pappatamasha?’ ‘Pappaplosion?’ “Pappadhamaka?’ (Sometimes we are indeed Incredible India for the most bizarre reasons) https://t.co/busCQCYFvk

— anand mahindra (@anandmahindra) September 13, 2022

ആലപ്പുഴയിലെ മുട്ടത്താണ് വിവാഹ സദ്യയ്‌ക്ക് പപ്പടം ചോദിച്ചത് കൂട്ടത്തല്ലിൽ കലാശിച്ചത്. രണ്ടാമതും പപ്പടം ചോദിച്ചതായിരുന്നു തർക്കത്തിന് കാരണം. അക്രമത്തിൽ ഓഡിറ്റോറിയം ഉടമ ഉൾപ്പെടെ മൂന്ന് പേർക്ക് പരിക്കേറ്റിരുന്നു. ഏകദേശം ഒന്നര ലക്ഷം രൂപയുടെ നഷ്ടവും ഉണ്ടായി എന്നാണ് കണക്കുകൂട്ടൽ.