ലോകത്തിലെ ഏറ്റവും ഉയരം കൂടിയ പ്രതിമയായ ‘സ്റ്റാച്യു ഓഫ് യൂണിറ്റി’യെക്കാൾ വലിപ്പമുള്ള ഛിന്നഗ്രഹം ഭൂമിയെ ലക്ഷ്യമാക്കി നീങ്ങുന്നുവെന്ന് റിപ്പോർട്ട്. നാസയാണ് ഈ വിവരം പുറത്ത് വിട്ടത്. ഈ ആഴ്ചയോടെ ഛിന്നഗ്രഹം ഭൂമിയെ മറികടക്കുമെന്നാണ് റിപ്പോർട്ട്. നിലവിൽ ഭൂമിക്ക് സമീപത്തായി എത്തിയിരിക്കുന്ന ഈ ഛിന്നഗ്രഹത്തിന് 210 മീറ്റർ വലിപ്പമാണുള്ളത്.
2005 RX3 എന്നാണ് ഈ ഛിന്നഗ്രഹത്തിന് പേരിട്ടിരിക്കുന്നത്. സെപ്തംബർ 18ന് ഭൂമിയോട് ഏറ്റവും അടുത്ത് ഇതെത്തും. 62,820 കിലോമീറ്റർ വേഗതയിലാണ് ഇതിന്റെ സഞ്ചാരം. കോസ്മിക് സ്കെയിൽ പ്രകാരം ഭൂമിയോട് 47,42,252 കിലോമീറ്റർ അടുത്ത് ഛിന്നഗ്രഹം എത്തും.
അതേസമയം നാല് ഛിന്നഗ്രഹങ്ങൾ കൂടി ഈ ആഴ്ച തന്നെ ഭൂമിയോട് അടുത്ത് വരുന്നുണ്ട്. ഇവയുടെയെല്ലാം സഞ്ചാരപഥം നാസ നിരീക്ഷിച്ച് കൊണ്ടിരിക്കുകയാണ്. 2020 PT4 ആണ് ഇതിൽ ആദ്യത്തേത്. മണിക്കൂറിൽ 39,024 കിലോമീറ്റർ വേഗതയിൽ സഞ്ചരിക്കുന്ന ഇത് ഭൂമിയുടെ 71,89,673 കിലോമീറ്റർ അടുത്ത് വരും.
2022 QD1 ആണ് അടുത്തത്. 130 മീറ്റർ വലുപ്പമുള്ള ഈ ഛിന്നഗ്രഹം സെപ്റ്റംബർ 16ന് മണിക്കൂറിൽ 34,200 കിലോമീറ്റർ വേഗതയിൽ ഭൂമിയെ മറികടക്കും. മൂന്നാമതായി 2022 QB37. സെപ്റ്റംബർ 18ന് തന്നെ ഇതും ഭൂമിയുടെ 65,16,483 കിലോമീറ്റർ അടുത്ത് വരും. 2022 QJ50 ആണ് അടുത്തത്. ഈ ഛിന്നഗ്രഹം ഈ ആഴ്ച അവസാനത്തോടെ ഭൂമിയിലേക്ക് നീങ്ങും, മണിക്കൂറിൽ 33,156 കിലോമീറ്റർ വേഗതയിൽ ഇത് ഭൂമിയെ കടന്നു പോകും.
Comments