ന്യൂഡൽഹി: പ്രധാനമന്ത്രി നരേന്ദ്രമോദി ഈ മാസം അവസാനത്തോടെ കേന്ദ്രമന്ത്രിമാരുമായും സാമ്പത്തിക-വാണിജ്യ സെക്രട്ടറിമാരുമായും കൂടിക്കാഴ്ച നടത്തും. അടുത്ത വർഷം ലോകം സാമ്പത്തിക മാന്ദ്യത്തെ അഭിമുഖീകരിക്കുമെന്ന് സൂചിപ്പിക്കുന്ന ലോകബാങ്കിന്റെ ഏറ്റവും പുതിയ റിപ്പോർട്ടിന്റെ പശ്ചാത്തലത്തിലാണ് കൂടിക്കാഴ്ച.
സാമ്പത്തിക രംഗത്ത് ഇന്ത്യയുടെ കുതിപ്പ് തുടരുകയാണെങ്കിലും ലോകബാങ്കിന്റെ റിപ്പോർട്ട് തള്ളിക്കളയാതെ ജാഗ്രതയോടെ മുന്നോട്ട് പോകാനാണ് സർക്കാർ കണക്കുകൂട്ടുന്നത്.
സെപ്തംബർ 28 നോ 30 നോ ആയിരിക്കുംയോഗം നടക്കുകയെന്നാണ് വിവരം.കൂടിക്കാഴ്ചയിൽ രാജ്യത്തെ വിവിധ മേഖലകളിലെ വളർച്ചയ്ക്കും നിക്ഷേപങ്ങൾക്കും കൂടുതൽ ഉത്തേജനം നൽകുന്നതിന് പുതിയ ലക്ഷ്യങ്ങളും സമയപരിധികളും നിശ്ചയിക്കാനും സാധ്യതയുണ്ട്.
മേക്ക് ഇൻ ഇന്ത്യ പ്രോഗ്രാമിന് കീഴിൽ പുതിയ നിക്ഷേപം ആകർഷിക്കുന്നതിനും ആഭ്യന്തര ഉൽപ്പാദനത്തിനുള്ള ശ്രമങ്ങൾ പുനരുജ്ജീവിപ്പിക്കുന്നതിനുമുള്ള തുടർ മാർഗങ്ങളെക്കുറിച്ചും ചർച്ചകൾ നടക്കും.
