ഉത്തർപ്രദേശ്: പ്രധാനമന്ത്രി നരേന്ദ്ര മോദിയുടെ ജന്മദിനാഘോഷവുമായി ബന്ധപ്പെട്ട് ഉത്തർപ്രദേശിൽ 1.21 ലക്ഷം വാട്ടർ കണക്ഷനുകൾ നൽകി യോഗി ആദിത്യനാഥ്. ഹർ ഘർ ജൽ പദ്ധതി പ്രകാരം സംസ്ഥാനത്തെ ഗ്രാമീണ മേഖലയിൽ 1,20,821 കുടുംബങ്ങൾക്ക് സൗജന്യ വാട്ടർ കണക്ഷൻ നൽകുന്നതെന്ന് ഉദ്യോഗസ്ഥർ അറിയിച്ചു. രാജ്യത്തുടനീളം 2.59 ലക്ഷം വാട്ടർ കണക്ഷനുകൾ വിതരണം ചെയ്തതിൽ കൂടുതലും നൽകാനായത് യു പിയിലാണ്.
നമാമി ഗംഗയുടെ ഭാഗമായി സംസ്ഥാനത്ത് മുൻപ് 51,000 കുടുംബങ്ങൾക്ക് വാട്ടർ കണക്ഷൻ നൽകിയിരുന്നു. ഇതിന് പുറമെയാണ് പ്രധാനമന്ത്രി നരേന്ദ്ര മോദിയുടെ ജന്മദിനത്തോടനുബന്ധിച്ച് വാട്ടർ കണക്ഷൻ നൽകുന്നത്. ഓരോ കുടുംബത്തിനും സൗജന്യ വാട്ടർ കണക്ഷൻ എത്തിക്കാനായി സർക്കാർ നടത്തുന്ന പരിശ്രമത്തിന്റെ ഫലമാണ് ഇതെല്ലാമെന്ന് വൃത്തങ്ങൾ അറിയിച്ചു.
സംസ്ഥാനത്ത് ഓരോ ജില്ലകൾ അടിസ്ഥാനപ്പെടുത്തിയാണ് കണക്ഷൻ നൽകാൻ തീരുമാനിച്ചിരിക്കുന്നത്. 4,212 കണക്ഷൻ നൽകി ദിയോറിയ ജില്ലയാണ് മുന്നിട്ടു നിൽക്കുന്നത്. ഖൊരഖ്പൂരിൽ 4,038 കണക്ഷൻ, ലംഖിപൂർ ജില്ലയിൽ 3,748, മഹോബയിൽ 3,651, മിർസാപൂരിൽ 3,523 വെയ്റ്റർ കണക്ഷനുകളാണ് ഇതുവരെ നൽകിയതെന്ന് ഉദ്യോഗസ്ഥർ പറഞ്ഞു.
