അഴകും ആരോഗ്യവുമുള്ള മുടിയാണ് എല്ലാവരുടെയും സ്വപ്നം. ആരോഗ്യമുള്ളതും തിളക്കമാർന്നതുമായ മുടി ലഭിക്കുന്നതിനായി ശരിയായ പരിചരണം ആവശ്യമാണ്. മുൻകാലങ്ങളെ അപേക്ഷിച്ച് മുടി നല്ലതുപോലെ പരിപാലിക്കാനുള്ള സാഹചര്യങ്ങൾ ഏവർക്കും കുറവാണ്. മോശം ജീവിതശൈലികളും മുടിയുടെ ആരോഗ്യത്തെ ബാധിക്കുന്നു.
വരണ്ടതും മുഷിഞ്ഞതുമായ മുടി ആത്മവിശ്വാസത്തെ തന്നെ കെടുത്തുന്നു. മലിനീകരണം, അഴുക്ക്, പൊടി തുടങ്ങി മുടിയുടെ തിളക്കം നഷ്ടപ്പെടുത്തുന്ന നിരവധി ഘടകങ്ങളുണ്ട്. ആ തിളക്കം തിരികെ ലഭിക്കാൻ ആവശ്യമായ പോഷണം നൽകിയാൽ മതി.ഹെയർ മാസ്‌കുകൾ പുരുട്ടുന്നത് വഴി മുടിയുടെ മൃദുത്വവും അഴകും വർദ്ധിക്കുമെന്ന് പഠനങ്ങൾ തെളിച്ചിട്ടുണ്ട്. രാത്രി സമയത്ത് പുരട്ടി രാവിലെ കഴുകി കളയുന്ന ഹെയർ മാസ്‌കുകളാണ് ഫലപ്രദം. അത്തരത്തിലുള്ള ചില ഹെയർ മാസ്‌കുകൾ
ബിയറുണ്ടെങ്കിൽ മുടിയുടെ കാര്യം രക്ഷപ്പെട്ടു. മുടി വളർച്ചയിലും മൃദുത്വം നൽകുന്നതിലും സുപ്രധാന പങ്ക് വഹിക്കുന്ന ഒന്നാണ് ബിയർ. ആവണക്കെണ്ണ,വാഴപ്പഴം, അൽപം ബിയർ എന്നിവ കൂട്ടികലർത്തി മുടിയുടെ നീളത്തിൽ പുരട്ടി തലയിൽ മസാജ് ചെയ്യുക. മികച്ച ഫലങ്ങൾക്കായി രാവിലെ കഴുകിക്കളയുക.
പാലിൽ അടങ്ങിയ്‌ക്കുന്ന പോഷകങ്ങൾ മുടി വളർച്ച കൂട്ടാൻ സഹായിക്കും. മുടി കൊഴിച്ചിൽ തടയാൻ സഹായിക്കുന്ന തേനും ചേർത്ത ഹെയർമാസ്‌ക് മുടി വളർച്ചയെ സഹായിക്കുന്നു. 2 ടേബിൾസ്പൂൺ പാൽ, 2 ടീസ്പൂൺ തേൻ എന്നിവ യോജിപ്പിച്ച് തലയോട്ടിയിൽ പുരട്ടി ഏകദേശം 3-5 മിനിറ്റ് മസാജ് ചെയ്യുക. ഒരു രാത്രി മുടിയിൽ പുരട്ടി കിടക്കുക. ഷാംപൂ-കണ്ടീഷണർ ഉപയോഗിച്ച് ചെറുചൂടുള്ള വെള്ളത്തിൽ രാവിലെ മുടി കഴുകുക. മികച്ച ഫലത്തിനായി ആഴ്ചയിൽ ഒരിക്കൽ ഇത് ചെയ്യുക.
മുടിയിൽ ഈർപ്പം സൃഷ്ടിക്കാനും കേടുപാടുകളിൽ നിന്നും സംരക്ഷിക്കാൻ സഹായിക്കുന്ന ഹെയർ മാസ്‌ക്കാണ് വെളിച്ചെണ്ണയും കറ്റാർവാഴ ജെല്ലും ഉപയോഗിച്ചുള്ളത്. മികച്ച രീതിയിൽ ഫലം തരുന്ന ഒന്നാണിത്. അര കപ്പ് വെളിച്ചെണ്ണ ചൂടാക്കി അതിൽ 3 ടീസ്പൂൺ കറ്റാർ വാഴ ജെൽ ചേർക്കുക. ഇവ നന്നായി യോജിപ്പിച്ച് നനഞ്ഞ മുടിയിൽ പുരട്ടുക. രാവിലെ തണുത്ത വെള്ളത്തിൽ കഴുകി കളയുക.
പ്രോട്ടീന് കൊണ്ട് സമ്പുഷ്ടമാണ് തൈര്. ഇതിനൊപ്പം വൈറ്റമിൻ ഇ കൂടി ചേർത്താൽ മുടി വളർച്ചയെ ഉത്തേജിപ്പിക്കുന്ന ഹെയർ മാസ്‌ക് തയ്യാറാക്കാൻ കഴിയും. 2 ടീസ്പൂൺ തൈര്, 2 ടീസ്പൂൺ വിറ്റാമിൻ ഇ പൊടി അല്ലെങ്കിൽ 4 വിറ്റാമിൻ ഇ ക്യാപ്‌സ്യൂൾ എന്നിവയാണ് മാസ്‌ക്കിന് ആവശ്യം. ഒരു പാത്രത്തിൽ കുറച്ച് വിറ്റാമിൻ ഇ പൊടി ചേർക്കുക അല്ലെങ്കിൽ കുറച്ച് വിറ്റാമിൻ ഇ ക്യാപ്‌സ്യൂളുകൾ പൊട്ടിച്ചൊഴിക്കുക. ഇതിലേക്ക് തൈര് ചേർത്ത് നന്നായി ഇളക്കുക. ഈ മിശ്രിതം തലയോട്ടിയിലും മുടിയിലും രാത്രിയിൽ പുരട്ടുക. ആഴ്ചയിൽ ഒരിക്കൽ ഇത് ചെയ്യുന്നത് മികച്ച ഫലം തരുമെന്നതിൽ സംശയമില്ല.
മുടിയുടെ ആരോഗ്യസംരക്ഷണത്തിൽ ഒഴിച്ചുകൂടാനാകത്ത ഒന്നാണ് ആവണക്കെണ്ണ. 1 കപ്പ് ആവണക്കെണ്ണ, 1 ടീസ്പൂൺ റോസ്മേരി ഓയിൽ എന്നിവ ഒരു കുപ്പിയിലേക്ക് ചേർക്കുക. കുപ്പി നന്നായി കുലുക്കി രണ്ട് എണ്ണകളും കലർത്തുക. ഇത് മുടിയിൽ പുരട്ടി നന്നായി മസാജ് ചെയ്യുക. രാത്രി മുഴുവൻ വെച്ചിട്ട് പിറ്റേന്ന് രാവിലെ കഴുകി കളയുക. ഇങ്ങനെ പതിവായി ഉപയോഗിക്കുന്നത് മുടികൊഴിച്ചിൽ കുറയ്‌ക്കുകയും ചെയ്യും.
Comments