ഇന്ത്യ-ഓസ്‌ട്രേലിയ ടി20 ക്ക് ടിക്കറ്റെടുക്കാൻ എത്തിയ ആരാധകർക്ക് നേരെ പോലീസ് ലാത്തി ചാർജ്;  20 പേർക്ക് പരിക്ക്

ഹൈദരാബാദ് : ഹൈദരാബാദിൽ ക്രിക്കറ്റ് ആരാധകർക്ക് നേരെ പോലീസിന്റെ ലാത്തി ചാർജ്. ഇന്ത്യ-ഓസ്‌ട്രേലിയ ടി20 മത്സരം കാണാൻ ടിക്കറ്റെടുക്കാൻ നിന്ന ആരാധകർക്ക് നേരെയാണ് പോലീസ് അക്രമം. ജിംഖാനയിലാണ് സംഭവം. 20 ഓളം പേർക്ക് പരിക്കേറ്റു.

മൂന്ന് മത്സരങ്ങൾ അടങ്ങിയ പരമ്പരയിലെ അവസാന മാച്ച് ഹൈദരാബാദിലാണ്. രാജീവ് ഗാന്ധി ഇന്റർനാഷണൽ സ്റ്റേഡിയത്തിലാണ് മാച്ച് നടക്കുക. ഇതിന് ടിക്കറ്റ് ലഭിക്കാൻ രാവിലെ അഞ്ച് മണി മുതൽ ജിംഖാന ഗ്രൗണ്ടിൽ ആരാധകർ കാത്ത് നിൽക്കുകയായിരുന്നു. ജനങ്ങൾ തിങ്ങി നിറഞ്ഞതോടെ പിരിച്ചുവിടാൻ പോലീസ് ശ്രമിച്ചെങ്കിലും അതിന് സാധിച്ചില്ല.

#WATCH | Telangana: A stampede broke out at Gymkhana Ground after a huge crowd of cricket fans gathered there to get tickets for #INDvsAUS match, scheduled for 25th Sept at Rajiv Gandhi International Stadium, Hyderabad. Police baton charged to disperse the crowd

4 people injured pic.twitter.com/J2OiP1DMlH

— ANI (@ANI) September 22, 2022

പിരിഞ്ഞ് പോകാൻ ആവശ്യപ്പെട്ടെങ്കിലും ആരും കൂട്ടാക്കാതെ വന്നതോടെയാണ് പോലീസ് ലാത്തി വിശീയത്. അക്രമത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. ആളുകളെ പോലീസ് അതിക്രൂരമായി മർദ്ദിക്കുന്നത് കാണാനാകും.