കൊല്ലം : പോലീസ് ഉദ്യോഗസ്ഥർക്ക് നേരെയും അക്രമം നടത്തി പോപ്പുലർ ഫ്രണ്ടുകാർ. ഹർത്താൽ അനുകൂലി പോലീസ് ഉദ്യോഗസ്ഥരെ ബൈക്കിടിച്ച് വീഴ്ത്തി. രണ്ട് പോലീസ് ഉദ്യോഗസ്ഥർക്ക് പരിക്കേറ്റു. കൊല്ലം പള്ളിമുക്കിലാണ് സംഭവം.
യാത്രക്കാരെ അസഭ്യം പറഞ്ഞത് തടയാൻ ശ്രമിക്കുന്നതിനിടെയായിരുന്നു ആക്രമണം. സീനിയർ സിവിൽ പോലീസ് ഓഫീസർ ആൻറണി, സിപിഒ നിഖിൽ എന്നിവർക്കാണ് പരിക്കേറ്റത്. തുടർന്ന് ഇവരെ ആശുപത്രിയിൽ പ്രവേശിപ്പിച്ചു. അക്രമിയെ പോലീസ് തിരിച്ചറിഞ്ഞിട്ടുണ്ട്.
13 സംസ്ഥാനങ്ങളിലെ പോപ്പുലർ ഫ്രണ്ട് ഓഫീസുകളിൽ എൻഐഎ വ്യാപക റെയ്ഡ് നടത്തിയതിന് പിന്നാലെയാണ് കേരളത്തിൽ പോപ്പുലർ ഫ്രണ്ട് ഹർത്താൽ പ്രഖ്യാപിച്ചത്. ഇതിന്റെ ഭാഗമായി വ്യാപക ആക്രമണങ്ങളാണ് സംസ്ഥാനത്ത് അഴിച്ചുവിടുന്നത്. കെഎസ്ആർടിസി ബസിന് നേരെ കല്ലെറിഞ്ഞും ചില്ല് തകർത്തും കടകൾ ഭീഷണിപ്പെടുത്തി അടപ്പിച്ചുമാണ് അക്രമം.
