ചെക്ക് വാഹന നിർമ്മാതാക്കളായ സ്കോഡ ഓട്ടോ ഇന്ത്യ അവരുടെ ഇലക്ട്രിക് വാഹനങ്ങളെ അതിവേഗം ശക്തിപ്പെടുത്താനുള്ള നീക്കത്തിലാണ്. സ്കോഡയുടെ ഏറ്റവു ജനപ്രിയ മോഡലായ ഒക്ടാവിയയുടെ ഇലക്ട്രിക് പതിപ്പ് പുറത്തിറക്കാനുള്ള തയ്യാറെടുപ്പിലാണ് കമ്പനി. 2030-ഓടെ ഇവികളുടെ വില്പനയിൽ നിന്നുള്ള ലാഭത്തിന്റെ 70 ശതമാനവും സ്കോഡ ലക്ഷ്യമിടുന്നു.
ഏഴ് സീറ്റുകളുള്ള ഇലക്ട്രിക് എസ്യുവി ആയിട്ടായിരിക്കും ഒക്ടാവിയ എത്തുക. ഒരു സിറ്റി ഇവി ക്രോസ്ഓവർ ആയി എത്തുന്ന വാഹനം 2026-ഓടെ അന്താരാഷ്ട്രതലത്തിൽ ഇടം പിടിക്കുമെന്നാണ് കമ്പനി പ്രതീക്ഷിക്കുന്നത്. ഒപ്പം നിലവിലെ തലമുറ സ്കോഡ ഫാബിയയ്ക്ക് പകരമായി ഒരു മിനി-എസ്യുവിയും കമ്പിനി ലക്ഷ്യമിടുന്നു.
റിപ്പോർട്ടുകൾ പ്രകാരം ഫോക്സ്വാഗന്റെ വരാനിരിക്കുന്ന പ്ലാറ്റ്ഫോമായ എസ്എസ്പിയെ അടിസ്ഥാനമാക്കിയാണ് ഇല്ക്ട്രിക് സ്കോഡ ഒക്ടാവിയ പുറത്തിറങ്ങുക. 89 kWh, 600 കിലോമീറ്റർ റേഞ്ചും, 200 kWh കരുത്തും വാഗ്ദാനം ചെയ്യുന്ന സ്കോഡ വിഷൻ 7 എസ് കൺസെപ്റ്റ് വാഹനവുമായി താരതമ്യപ്പെടുത്തുമ്പോൾ സ്കോഡ ഒക്ടാവിയ ഇവി കൂടുതൽ വിപുലമായ ബാറ്ററി പാക്കിൽ ലഭ്യമാകുമെന്ന് പ്രതീക്ഷിക്കുന്നു.
സ്കോഡ ഒക്ടാവിയ ഇലക്ട്രിക് വാഹനത്തിന് മുന്നിൽ ഇരട്ട ഇലക്ട്രിക് മോട്ടോറുകൾ ഘടിപ്പിച്ചേക്കാം. പ്ലഗ്-ഇൻ ഹൈബ്രിഡ് പവർട്രെയിൻ അവതരിപ്പിച്ചു കൊണ്ട് സ്കോഡ ഇതിനകം തന്നെ ഒക്ടാവിയ സെഡാനെ ഭാഗികമായി വൈദ്യുതീകരിച്ചിട്ടുണ്ട്. ചെക്ക് വാഹന നിർമ്മാതാവ് ഈ മോഡലിനെ പവർ കപ്പാസിറ്റിയിൽ വാഗ്ദാനം ചെയ്യുന്നു.
