ഡൽഹി: ഡൽഹി, അഹമ്മദാബാദ്, മുംബൈ റെയിൽവേ സ്റ്റേഷനുകളുടെ പുനർവികസനത്തിനായി കേന്ദ്രസർക്കാർ 10,000 കോടി രൂപ അനുവദിച്ചിരുന്നു. പുനർവികസനത്തിനുള്ള ടെൻഡർ അടുത്ത 10 ദിവസത്തിനുള്ളിൽ നൽകുമെന്നാണ് കാബിനറ്റ് യോഗത്തിന് ശേഷം നടത്തിയ വാർത്താ സമ്മേളനത്തിൽ റെയിൽവേ മന്ത്രി അശ്വിനി വൈഷ്ണവ് പറഞ്ഞത്. ഇപ്പോൾ, ഡൽഹി റെയിൽവേ സ്റ്റേഷൻ പുനർനിർമ്മാണ മാതൃകയുടെ ചിത്രങ്ങൾ പങ്കുവെച്ചിരിക്കുകയാണ് പ്രധാനമന്ത്രി നരേന്ദ്രമോദി.
ഡൽഹി സ്റ്റേഷൻ മൂന്നര വർഷത്തിനുള്ളിൽ വികസിപ്പിക്കുമെന്നും ബാക്കിയുള്ള രണ്ട് സ്റ്റേഷനുകൾ രണ്ടര വർഷത്തിനുള്ളിൽ പുനർ വികസിപ്പിക്കുമെന്നുമാണ് അശ്വനി വൈഷ്ണവ് പറഞ്ഞത്. നഗരത്തിന്റെ അവിഭാജ്യ ഘടകമായി മാറുന്ന തരത്തിൽ ഈ സ്റ്റേഷനുകളുടെ രൂപകല്പന നഗരപ്രകൃതിക്ക് ഇണങ്ങുന്നതായിരിക്കുമെന്നും അദ്ദേഹം വ്യക്തമാക്കി. ഡൽഹി റെയിൽവേ സ്റ്റേഷൻ ട്രെയിൻ സർവീസുകൾ ബസുകൾ, ഓട്ടോ, മെട്രോ റെയിൽ സർവീസുകൾ എന്നിവയുമായി സംയോജിപ്പിക്കും.
ഡൽഹി റെയിൽവേ സ്റ്റേഷൻ പുനർനിർമ്മാണ മാതൃകയുടെ ചിത്രങ്ങൾ കാണാം,
