പുല്ല് വെട്ടുന്നത് എന്നും ഒരു ബുദ്ധിമുട്ടുള്ള കാര്യമാണ്. നേരത്തെ പുല്ല് കൈകൊണ്ടാണ് പറിച്ചിരുന്നത് എങ്കിൽ പിൽക്കാലത്ത് അതിനായി പുതിയ ആയുധങ്ങളും മെഷീനുകളും എത്തി. എന്നാൽ ഇന്നും അത് ഭാരം കൂടിയ ജോലി തന്നെയാണ്. എന്നാൽ ഈ പണിയെല്ലാം ഇനി പുഷ്പം പോലെ ചെയ്തുതീർക്കാമെന്ന് പ്രഖ്യാപിച്ച് വൻ കണ്ടുപിടിത്തവുമായി എത്തിയിരിക്കുകയാണ് ഒരു യൂട്യൂബർ .
ലേസർ ലൈറ്റ് കൊണ്ട് എങ്ങനെ പുല്ല് വെട്ടാമെന്നാണ് ഡാനിയൽ റിലേ എന്ന യുവാവ് നമുക്ക് കാണിച്ചുതരുന്നത്. ഇത് പ്രവർത്തിപ്പിക്കാനുള്ള റോബോട്ടും അദ്ദേഹം കണ്ടുപിടിച്ചിട്ടുണ്ട്.
പരീക്ഷണത്തിനായി 40-വാട്ടിന്റെ കട്ടിംഗ് ലേസറാണ് റിലേ ഉപയോഗിച്ചു, എന്നാൽ പുല്ല് വേഗത്തിലും കാര്യക്ഷമമായും മുറിക്കുന്നതിന് ഇത് പോരെന്ന് വ്യക്തമായി. തുടർന്ന് ഇയാൾ ലേസറിനെ ഒരു 3 ഡി പോയിന്റഡ് ജിംബലിൽ ഘടിപ്പിച്ചു. വേഗത്തിൽ കറക്കാൻ വേണ്ടിയാണ് ഈ വിദ്യ. ഇത് പരിശോധിച്ചപ്പോൾ പുല്ല് വെട്ടുന്നതിന് പകരം കത്തിക്കുകയാണെന്ന് ചെയ്യുന്നത് എന്ന് കണ്ടെത്തി.
തുടർന്ന് ഒരുപാട് പരീക്ഷണങ്ങൾക്കും വിലയിരുത്തലുകൾക്കും ശേഷമാണ് പുല്ല് വെട്ടാൻ സാധിക്കുന്ന ഒരു വാക്വം ഉണ്ടാക്കിയത്. ഈ ലേസർ വെളിച്ചം ശരീരത്തിൽ തട്ടിയാൽ പ്രശ്നമില്ല. എന്നാൽ കണ്ണുകളിലേക്ക് അടിച്ചാൽ കാഴ്ച പോകുമെന്നത് ഉറപ്പാണെന്നും റിലേ പറയുന്നു.
