‘തിര’ ദക്ഷിണേന്ത്യൻ ചലച്ചിത്ര ശിൽപശാല; ഒക്ടോബർ എട്ടിന് കൊച്ചിയിൽ തുടങ്ങുന്നു

കൊച്ചി: ‘തിര’ ഫിലിം ക്ലബ്ബിന്റെ നേതൃത്വത്തിൽ ദ്വിദിന ദക്ഷിണേന്ത്യൻ ചലച്ചിത്ര ശിൽപശാലയ്‌ക്ക് ഒക്ടോബർ എട്ടിന് തുടക്കമാകും. രാവിലെ 10ന് സംവിധായകൻ മേജർ രവി ശിൽപശാല ഉദ്ഘാടനം ചെയ്യും.

എളമക്കര ഭാസ്‌കരീയം കൺവൻഷൻ സെന്ററിൽ നടക്കുന്ന ശിൽപശാലയിൽ തമിഴ്നാട്, കേരളം എന്നീ സംസ്ഥാനങ്ങളിൽ നിന്നായി 50-ഓളം പേർ പങ്കെടുക്കും. പ്രശസ്ത സംവിധായകനും സിനിമാ നിരൂപകനുമായ പി. വിജയകൃഷ്ണനാണ് ക്യാമ്പ് ഡയറക്ടർ. സിദ്ധാർത്ഥ് ശിവ, കലാധരൻ, ടി.ജി. ശ്രീകുമാർ, കൃഷ്ണനുണ്ണി, രഞ്ജിത് കുഴൂർ എന്നിവർ ക്ലാസുകൾ നയിക്കും.