ഇന്ത്യയിലെ ഏറ്റവും വില കുറഞ്ഞ ഇലക്ട്രിക് കാർ എന്ന പ്രത്യേകതയുമായാണ് ടാറ്റ മോട്ടോഴ്സിന്റെ ടാറ്റ ടിയാഗോ വിപണിയിലെത്തുന്നത്. ഇപ്പോഴിതാ ബുക്കിംഗ് ആരംഭിച്ച് ആദ്യ ദിനം തന്നെ 10,000ത്തിലധികം ആളുകളാണ് വാഹനം ബുക്ക് ചെയ്തത്. ഇന്നലെ ഉച്ചയ്ക്ക് 12 മണിക്കാണ് വാഹനത്തിന്റെ ബുക്കിംഗ് ആരംഭിച്ചത്. ഉപഭോക്താക്കളിൽ നിന്ന് കിട്ടുന്ന ഈ സ്വീകരണം അതിശയിപ്പിക്കുന്നുവെന്നാണ് ടാറ്റ മോട്ടോഴ്സ് പറയുന്നത്. 8.49 ലക്ഷമാണ് ടിയാഗോ ഇവിയുടെ അടിസ്ഥാന വില. 11.79 ലക്ഷമാണ് കാറിന്റെ ഉയർന്ന വകഭേദത്തിന്റെ വില. ഏഴ് വിവിധ മോഡലുകളിൽ വാഹനം ലഭ്യമാകും.
ഈ വർഷം ഡിസംബർ മുതലാണ് ഉപഭാക്താക്കൾക്ക് ടെസ്റ്റ് ഡ്രൈവിനായി വാഹനം ലഭിക്കുന്നത്. 2023 ജനുവരി മുതൽ വാഹനത്തിന്റെ ഡെലിവറി ആരംഭിക്കും. രണ്ട് ബാറ്ററി പാക്ക് ഓപ്ഷനുകളിലാണ് ടാറ്റ ടിയാഗോ ഇവിക്ക് ഇവി ലഭിക്കുന്നത്. 24 kWh ബാറ്ററി പാക്ക് മോഡലിന് 315 കിലോമീറ്റർ റേഞ്ചും, 19.2 kWh ബാറ്ററി ഉപയോഗിക്കുന്ന മോഡലിന് 250 കിലോമീറ്റർ റേഞ്ചുമാണ് കമ്പനി അവകാശപ്പെടുന്നത്.
ഹാച്ച്ബാക്കിന് നാല് ചാർജിംഗ് ഓപ്ഷനുകൾ ലഭിക്കുന്നു. 15 എ സോക്കറ്റ്, 3.3 കിലോവാട്ട് എസി ചാർജർ, 7.2 കിലോവാട്ട് എസി ഹോം ചാർജർ, ഡിസി ഫാസ്റ്റ് ചാർജർ എന്നിവ ഉപയോഗിച്ച് വീട്ടിൽ ഇവ ചാർജ് ചെയ്യാം. ഡിസി ഫാസ്റ്റ് ചാർജിങ് ഉപയോഗിച്ച് 10 മുതൽ 80 ശതമാനം വരെ ചാർജ് ചെയ്യാൻ വെറും 57 മിനിട്ട് മതി.ബാറ്ററിക്കും മോട്ടറിനും ടാറ്റ 8 വർഷം അല്ലെങ്കിൽ 1.6 ലക്ഷം കിലോമീറ്ററാണ് വാറണ്ടി പറയുന്നത്.
