മനാമ: ബഹ്‌റൈൻ കേരളീയ സമാജം സാഹിത്യ വിഭാഗത്തിന്റെ പ്രവർത്തനോദ്ഘാടനത്തിനായി സുനിൽ പി. ഇളയിടം ബഹ്റൈനിൽ. ഒക്ടോബർ 14ന് വൈകീട്ട് 7.30ന് ബി.കെ.എസ് ഡയമണ്ട് ജൂബിലി ഹാളിൽ ആണ് ഉദ്ഘാടന സമ്മേളനം നടക്കുന്നത്. ‘സാഹിത്യവും സാമൂഹികതയും’വിഷയത്തിൽ ആണ് സുനിൽ പി ഇളയിടം പ്രഭാഷണം നടത്തുന്നത്.
ബഹ്റൈനിലെ മലയാള സാഹിത്യ മേഖലക്ക് സുനിൽ പി. ഇളയിടത്തിന്റെ സന്ദർശനം പുതിയ ഊർജം നൽകുമെന്ന് സംഘാടകർ പറഞ്ഞു. കോവിഡ് കാലഘട്ടത്തിനുശേഷം ഗൾഫ് മേഖലയിലെ വിശേഷിച്ച്, ബഹ്റൈനിലെ മലയാള സാഹിത്യ മേഖലയ്‌ക്ക് ഇത് വലിയ പ്രോത്സാഹനമാകും. സാംസ്കാരിക, സാമൂഹിക രംഗത്തെ പ്രമുഖരുടെ പ്രഭാഷണ പരമ്പര സമാജം ആസൂത്രണം ചെയ്ത് വരുകയാണെന്നും പി.വി. രാധാകൃഷ്ണപിള്ള പറഞ്ഞു.
