സിനിമാ പ്രേമികളുടെ പ്രിയതാരം ഹൻസിക മോട് വാനിയ്ക്ക് മാംഗല്യം. ബാലതാരമായി ടെലിവിഷൻ പ്രക്ഷകർക്ക് മുന്നിൽ എത്തിയ നടി ഇന്ന് തെന്നിന്ത്യയിലെ താരമൂല്യം ഉള്ളവരിൽ ഒരാളാണ്. നടിയുടെ വിവാഹത്തെ സംബന്ധിച്ചുള്ള വാർത്തകളാണ് ഇപ്പോൾ പുറത്ത് വരുന്നത്. വിവരങ്ങൾ അനുസരിച്ച് വരുന്ന ഡിസംബറിലാകും താരത്തിന്റെ വിവാഹം നടക്കുക.
വിവാഹ വേദിയാകുന്നത് ജയ്പൂരിലെ 450 വർഷം പഴക്കമുള്ള കൊട്ടാരമാണ്. തികച്ചും രാജകീയമായാവും വിവാഹം നടക്കുക. എന്നാൽ വരന്റെ പേരോ മറ്റ് വിവരങ്ങളോ പുറത്ത് വിട്ടിട്ടില്ല. ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകർ. ഇതിന് പുറമെ വിവാഹത്തിനായുള്ള ഒരുക്കങ്ങൾ കൊട്ടാരത്തിൽ ആരംഭിച്ചിട്ടുമുണ്ട്.
തെലുഗ് ചിത്രമായ ദേശമുദുരു എന്ന ചിത്രത്തിലൂടെയാണ് ഹൻസിക ചലചിത്ര രംഗത്തേക്ക് ചുവടുവയ്ക്കുന്നത്. തുടർന്ന് ഹിന്ദി ചിത്രങ്ങളിലും അഭിനയിച്ചു. എന്നാൽ പ്രേക്ഷക ശ്രദ്ധ നേടിയത് ഹിമേഷ് രേഷാമിയ നായകനായി എത്തിയ ആപ്ക സുരൂർ എന്ന ചിത്രത്തിലൂടെയാണ്. ശേഷം 2008 ൽ കന്നടയിലും നായികയായി അഭിനയിച്ചു.
