ഫോണും ഇന്റർനെറ്റും ഇല്ലാതെ ജീവിക്കാൻ കഴിയാത്ത അവസ്ഥയിലാണ് ഇന്ന് നാം. എന്തിനും ഏതിനും ഇന്ന് അവയുടെ സഹായമുണ്ടെങ്കിലേ നീങ്ങൂ എന്നായി കാര്യങ്ങൾ.എന്നാൽ അമിതമായ ഇന്റർനെറ്റ് ഉപയോഗം വലിയ ആരോഗ്യപ്രശ്നങ്ങൾക്കാണ് വഴിയൊരുക്കുന്നത്. ഇന്റർനെറ്റിന് അടിമയാകുന്നത് നമ്മുടെ ശരീരത്തെ മാത്രമല്ല മനസിനെയും ബാധിക്കും.
എങ്ങനെ അറിയാം?
ഇന്റർനെറ്റിന് അടിമയാണോ അല്ലയോ എന്നറിയാൻ ഒരു എളുപ്പ വഴിയുണ്ട്. എന്താണന്നല്ലേ? നെറ്റ് കിട്ടാതെ വരുമ്പോൾ, വൈഫൈ കട്ടാകുമ്പോഴെല്ലാം ഫോൺ എറിഞ്ഞ് പൊട്ടിക്കാൻ തോന്നുന്നത് നിങ്ങൾ ഇന്റർനെറ്റിന് അടിമയായതിന്റെ ലക്ഷണമാണ്. നെറ്റ് കിട്ടാത വരുമ്പോൾ നിയന്ത്രണം വിട്ട് പെരുമാറുന്നത് ഈ അടിമത്വം കാരണമാണ്. ഇത്തരത്തിൽ ഇന്റർനെറ്റ് അടിമകളായവർക്ക് വൈകാരിക വിക്ഷോഭങ്ങൾ പെട്ടെന്ന് ഉണ്ടാവും. ദേഷ്യം,കരച്ചിൽ,വിഷമം എന്നിവ വലിയ രീതിയിൽ ഇക്കൂട്ടരിൽ കണ്ടുവരുന്നു. ജോലിയിലുള്ള ശ്രദ്ധ, മറ്റുള്ളവരോട് സംസാരിക്കുന്നത് എന്നിവ ക്രമേണ കുറഞ്ഞുവരുന്നു.
ആവശ്യത്തിനും അനാവശ്യത്തിനുമായി വിവരങ്ങൾ ശേഖരിക്കുന്നതിന് ഭൂരിഭാഗം സമയവും കമ്പ്യൂട്ടറിനു മുന്നിൽ ഇരുന്ന് ഗൂഗിളിൽ അന്വേഷണം നടത്തുന്ന ചിലരുണ്ട്. ഇവരുടെ ജോലി ചെയ്യാനുള്ള കഴിവ്, സാമൂഹിക ബന്ധങ്ങൾ, കുടുംബബന്ധങ്ങൾ എന്നിവയെ ഈ സ്വഭാവം പ്രതികൂലമായി ബാധിച്ചേക്കാം. ഒറ്റപ്പെടലിനും മാനസികസമ്മർദത്തിനും കാരണമാകുന്നു.മദ്യം, മയക്കുമരുന്ന്, ചൂതാട്ടം, ലൈംഗികത എന്നവയോട് ആസക്തി തോന്നുന്നു തുടങ്ങിയവ ഇന്റർനെറ്റ് അടിമകളെ ബാധിക്കുന്ന ചില കാര്യങ്ങൾ മാത്രമാണ്. നെറ്റിന് അടിമയാണോ എന്ന് എളുപ്പം കണ്ടുപിടിച്ച് അതിനെ പ്രതിരോധിക്കുന്നതാവും ഉചിതം.
