ഉയരം കൂടാൻ പരിശ്രമങ്ങൾ നടത്തുകയും പലവിധ വ്യായാമങ്ങൾ ചെയ്യുകയും ചെയ്യുന്നവരാണ് നമ്മൾ. എന്നാൽ പലർക്കും ഉയരം വെയ്ക്കാറില്ല, ചിലർക്ക് ഉയരം കൂടുകയും ചെയ്യും. ഒരു പ്രായം കഴിഞ്ഞാൽ ആർക്കും ഉയരം വെയ്ക്കില്ല എന്നതും വസ്തുതയാണ്. എന്നാൽ 60 കളിൽ കുറച്ച് ഉയരമാകാം എന്ന് തോന്നിയാലോ ?
റോയ് കോൺ എന്ന 68 കാരനാണ് അങ്ങനെയൊരു ആഗ്രഹം പൊട്ടിമുളച്ചത്. 5.6 ഇഞ്ചായിരുന്നു റോയിയുടെ ഉയരം. ഇത് കൂട്ടണമെന്ന് തോന്നിയതോടെ റോയ് വിദഗ്ധരെ സമീപിക്കുകയായിരുന്നു. തുടർന്ന് കാലുകൾ നീട്ടുന്ന ശസ്ത്രക്രിയ നടത്താൻ തീരുമാനിച്ചു. സങ്കീർണ്ണമായ അസ്ഥി നീട്ടൽ പ്രക്രിയയ്ക്ക് ശേഷം ഇപ്പോൾ 5 അടി 9 ഇഞ്ച് ആണ് റോയിയുടെ ഉയരം. 1.2 കോടി രൂപയാണ് ശസ്ത്രക്രിയയ്ക്ക് വേണ്ടി ഇയാൾ ചിലവാക്കിയത്.
തന്റെ 60-കളുടെ അവസാനത്തിൽ എന്തുകൊണ്ടാണ് ശസ്ത്രക്രിയ നടത്താൻ തീരുമാനിച്ചത് എന്നതിനെക്കുറിച്ച് റോയ് പറഞ്ഞു. ‘എനിക്ക് ഇതൊരു വലിയ പ്രശ്നമായിരുന്നില്ല. ചെറുപ്പം മുതൽ ഞാൻ എപ്പോഴും അറിഞ്ഞിരുന്ന, ചെയ്യാൻ ആഗ്രഹിച്ചിരുന്ന കാര്യമായിരുന്നു ഇത്. സമയവും സാഹചര്യവും ലഭിച്ചപ്പോൾ അത് ചെയ്തുവെന്നേയുള്ളൂ. എപ്പോഴും ഉയരം കുറവാണെന്ന് തോന്നാറുണ്ട്. അതുകൊണ്ടാണ് ശസ്ത്രക്രിയ നടത്തിയത്” എന്ന് റോയ് പറഞ്ഞു. തന്നേക്കാൾ ഭയം ഭാര്യയ്ക്കായിരുന്നുവെന്നും റോയ് പറയുന്നു.
ഇത് അത്രയധികം സങ്കീർണ്ണമായ സംഭവമല്ലെന്നാണ് ശസ്ത്രക്രിയ നടത്തിയ ഡോ. കെവിൻ ദെബിപർഷാദ് പറയുന്നത്. ശസ്ത്രക്രിയ നടത്താൻ ഒന്നര മണിക്കൂർ മാത്രമേ ആവശ്യമുള്ളൂ. ഒരിഞ്ച് ഉയരം കൂടാൻ 25 ദിവസം മതിയെന്നും മൂന്ന് മാസം കൊണ്ട് മൂന്നിഞ്ച് വർദ്ധിക്കുമെന്നും ഡോക്ടർ പറയുന്നുണ്ട്.
Comments