ശ്രീനഗർ: ജമ്മുവിൽ വൻ ആയുധശേഖരം കണ്ടെടുത്തു. കുപ്വാര ജില്ലയിൽ നിന്നുമാണ് ആയുധങ്ങൾ കണ്ടെടുത്തത്. പോലീസെത്തിയതിന് പിന്നിലെ പ്രതി ഹുസൈൻ ഷാ ഒളിവിൽ പോയതായും പോലീസ് പറഞ്ഞു. തോക്കും, പിസ്റ്റൾ മാഗസിനുകളും, നിരവധി വെടിയുണ്ടകളും,രണ്ട് ഗ്രനേഡ്, രണ്ട് ഡിറ്റണേറ്ററുകൾ എന്നിവയാണ് കണ്ടെടുത്തത്.
ഷായുടെ കുപ്വാരയിലെ വീട്ടിൽ നിന്നുമാണ് ആയുധങ്ങളും വെടിക്കോപ്പുകളും കണ്ടെടുത്തത്. രഹസ്യവിവരത്തെ തുടർന്നാണ് തിരച്ചിൽ നടത്തിയത്. കുപ്വാര പോലീസും ജമ്മു കശ്മീർ റൈഫിൾസും സംയുക്തമായാണ് തിരച്ചിൽ നടത്തിയത്.
രാത്രിയിലാണ് സംഘം തിരച്ചിൽ നടത്തിയതെന്നും ഇരുട്ടിന്റെ മറവിലാണ് പ്രതി രക്ഷപ്പെട്ടതെന്നും പോലീസ് വ്യക്തമാക്കി. സംഭവത്തിൽ പോലീസ് കേസ് രജിസ്റ്റർ ചെയ്തിട്ടുണ്ട്. അന്വേഷണം പുരോഗമിക്കുന്നതായും അറിയിച്ചു.
