തിരുവനന്തപുരം: സാനിറ്ററി പാഡിനുള്ളിൽ സ്വർണം കടത്താൻ ശ്രമിച്ച യുവതി അറസ്റ്റിൽ. കൊല്ലം സ്വദേശിനിയാണ് 53 ലക്ഷം രൂപ വിലമതിക്കുന്ന 35 ഗ്രാം സ്വർണവുമായി കസ്റ്റംസിന്റെ പിടിയിലായത്.
ഷാർജയിൽ നിന്നും തിരുവനന്തപുരത്തേക്കുള്ള ഇൻഡിഗോ വിമാനത്തിലാണ് യുവതി സ്വർണം കടത്തിയത്. സാനിറ്ററി പാഡിനുള്ളിൽ കുഴമ്പ് രൂപത്തിലാക്കിയാണ് സ്വർണം കടത്തിയത്. സംഭവത്തിൽ കസ്റ്റംസ് കേസെടുത്തു.
കഴിഞ്ഞ ദിവസം സ്വർണ മിശ്രിതം വസ്ത്രത്തിൽ പേസ്റ്റ് രൂപത്തിൽ തേച്ചു കടത്താൻ ശ്രമിച്ച 57-കാരി കരിപ്പൂർ വിമാനത്താവളത്തിൽ കസ്റ്റംസ് പിടിയിലായിരുന്നു. നിലമ്പൂർ സ്വദേശിനി ഫാത്തിമയാണ് അറസ്റ്റിലായത്. 49.42 ലക്ഷം രൂപ വിലമതിക്കുന്ന സ്വർണമാണ് കസ്റ്റംസ് പിടിച്ചെടുത്തത്.
Comments