സെമിത്തേരി സന്ദർശിക്കുമ്പോൾ തന്നെ നമുക്ക് ചെറിയ ഭയം ഉണ്ടാവും. അപ്പോൾ അവിടുത്തെ കല്ലറകളിൽ എന്തെങ്കിലും ചലനം സംഭവിച്ചാലോ? ഉറപ്പായും നമ്മൾ ഭയന്ന് വിറയ്ക്കും. അങ്ങനെ ഒരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്. ശവക്കല്ലറയിൽ നിന്നും മുടി നീണ്ടു വരുന്നതു കണ്ട് ഭയന്ന ഒരാൾ എടുത്ത വീഡിയോയാണിത്. സംഭവം സൃഷ്ടിച്ചെടുത്ത ഒന്നല്ല, യഥാർത്ഥത്തിൽ ഉണ്ടായതാണ്. ജോയൽ മോറിസൺ എന്ന വ്യക്തിയാണ് ടിക് ടോകിൽ ഈ വീഡിയോ പങ്കുവച്ചിരിക്കുന്നത്.
2021-ൽ പങ്കുവെച്ച ടിക്ടോക് വീഡിയോയ്ക്ക് 1.5 മില്ല്യൺ കാഴ്ചക്കാരിലധികം ലഭിച്ചു. കല്ലറയിൽ നിന്നും മുടി വളർന്നു വരുന്ന കാഴ്ച കണ്ടപ്പോൾ ആദ്യം ഭയന്ന് വിറച്ചു പോയി എന്ന് ജോയൽ പറയുന്നു. സാക്രമെന്റോയിലെ സെന്റ് ജോസഫ് കാത്തലിക് സെമിത്തേരിയിൽ വച്ചാണ് ജോയൽ ഭയപ്പെടുത്തുന്ന ഈ കാഴ്ച കണ്ടത്. കല്ലറയിൽ നിന്നും കുറച്ച് മുടി കല്ലറയുടെ പുറത്തേക്ക് നീണ്ടു കിടക്കുന്നു.
ആദ്യം ഇതെന്താണെന്ന് ജോയലിന് മനസ്സിലായില്ല. സൂക്ഷിച്ചു നോക്കിയപ്പോൾ കല്ലറയുടെ ഇടയിൽ നിന്നും മുടി നീണ്ടു വരുന്നത് കണ്ടു. 100 വർഷമെങ്കിലും പഴക്കമുണ്ട് ഈ കല്ലറയ്ക്ക്. കാലപ്പഴക്കം കൊണ്ട് കല്ലറയ്ക്ക് വിള്ളലുകളും പൊട്ടലുകളും ഉണ്ട്. ആദ്യമുണ്ടായ ഭയവും ഞെട്ടലും മാറിയപ്പോൾ മരിച്ചവരുടെ കുടുംബത്തെ കുറിച്ചാണ് ജോയൽ ഓർത്തത്. കല്ലറകൾ നല്ലപോലെ പരിപാലിക്കുന്നില്ലെന്ന് അദ്ദേഹം പറയുന്നു. മരിച്ചവരും അവരുടെ കുടുംബവും അവഹേളിക്കപ്പെടുകയാണെന്നും ജോയൽ പറഞ്ഞു.
വീഡിയോ കാണാം, ക്ലിക്ക് ചെയ്യുക
അതേസമയം വീഡിയോ പലരെയും ഭയപ്പെടുത്തിയിട്ടുണ്ട്. എന്താണ് ഇതിന് പിന്നിലെ രഹസ്യമെന്ന് പലരും തേടുന്നു. വലിയ മഴയും വെള്ളപ്പൊക്കവും ഉണ്ടായാൽ ഇത് സംഭവിക്കുമെന്നും ശവശരീരം വരെ ഇങ്ങനെ പൊങ്ങിവരും എന്നും ചിലർ അഭിപ്രായപ്പെട്ടു. എന്നാൽ, അടുത്ത് നിൽക്കുന്ന മരത്തിന്റെ വേര് കല്ലറയിലേക്ക് വളർന്നിറങ്ങിയെന്നും കല്ലറയ്ക്ക് വിള്ളൽ സംഭവിച്ചുവെന്നും ജോയൽ പറയുന്നു. വിള്ളലിലൂടെ അണ്ണാനെ പോലുള്ള ജീവികൾ അകത്തോട്ട് കയറി മുടിയിൽ കൂടു വെയ്ക്കാൻ ശ്രമിച്ചതാവാം എന്നാണ് ജോയലിന്റെ പക്ഷം.
Comments