ദോഹ: തുല്യശക്തികളുടെ പോരാട്ടം എന്ന് വിശേഷിപ്പിക്കപ്പെട്ട ഗ്രൂപ്പ് എഫിലെ ആവേശകരമായ പോരാട്ടത്തിൽ ക്രൊയേഷ്യയും മൊറോക്കോയും സമനിലയിൽ പിരിഞ്ഞു. ഇരു ടീമുകൾക്കും ഗോൾ കണ്ടെത്താനായില്ല. മികച്ച അവസരങ്ങൾ ഇരു ടീമുകൾക്കും ലഭിച്ചുവെങ്കിലും ഗോളാക്കി മാറ്റാൻ ഇരു കൂട്ടർക്കും സാധിച്ചില്ല.
മൊറോക്കോക്ക് വെണ്ടി ചെൽസി താരം ഹക്കീം സിയെച്ചും ക്രൊയേഷ്യക്ക് വേണ്ടി ക്യാപ്ടൻ ലൂക്ക മോഡ്രിച്ചും മികച്ച പോരാട്ടം കാഴ്ചവെച്ചു. ക്രൊയേഷ്യയുടെ മുന്നേറ്റങ്ങളെ മിക്കപ്പോഴും നിഷ്പ്രഭമാക്കാൻ മൊറോക്കൻ പ്രതിരോധ നിരയ്ക്ക് സാധിച്ചു.
രണ്ടാം പകുതിയിൽ മൊറോക്കോ ആക്രമിച്ച് കളിച്ചുവെങ്കിലും പ്രതിരോധത്തിന് കേൾവി കേട്ട ക്രൊയേഷ്യ അവയെയെല്ലാം നിഷ്പ്രഭമാക്കി.
