എറണാകുളം: ഇൻസ്റ്റഗ്രാമിൽ ചാണക പീസ് വേണോ എന്ന് ചോദിച്ച മാന്യനെ കണ്ടംവഴി ഓടിച്ച് അഹാന കൃഷ്ണകുമാർ. കഴിഞ്ഞ ദിവസം പങ്കുവെച്ച പോസ്റ്റിന് താഴെ ലാൽ നച്ചു എന്ന അക്കൗണ്ടിൽ നിന്നുമെത്തിയ കമന്റിനായിരുന്നു താരത്തിന്റെ കുറിക്കുകൊള്ളുന്ന മറുപടി. കമന്റിന്റെയും മറുപടിയുടെയും സ്ക്രീൻ ഷോട്ടുകൾ ഇൻസ്റ്റയിലും ഫേസ്ബുക്കിലും വൈറൽ ആണ്.
‘രണ്ട് ചാണക പീസ് തരട്ടെ’ എന്നായിരുന്നു ചോദ്യം. സാധാരണ ഞാൻ നിങ്ങളെപ്പോലുളളവരെ ബ്ലോക്ക് ചെയ്യുകയാണ് പതിവെന്ന് പറഞ്ഞായിരുന്നു അഹാനയുടെ മറുപടിയുടെ തുടക്കം. പക്ഷെ ഒരു മാറ്റത്തിന് വേണ്ടി നിങ്ങളോട് ഞാൻ ഒരു കാര്യം പറയുകയാണ്. ഒരു മനുഷ്യൻ എന്ന നിലയിൽ ഒരാൾക്ക് കുറച്ചെങ്കിലും ആത്മാഭിമാനം ഉണ്ടാകണം. പിന്നെ സ്വയം സ്നേഹവും. അല്ലാതെ ഇത്തരം അപ്രസക്തമായ, അർത്ഥശൂന്യമായ കാര്യങ്ങൾ പറഞ്ഞ് സ്വയം അപമാനിതനാകാനും വിഡ്ഢിയാകാനും ശ്രമിക്കരുത് .പ്രത്യേകിച്ച് പൊതു ഇടങ്ങളിൽ എന്നായിരുന്നു അഹാനയുടെ ഉപദേശം.
കമന്റിനെ പിന്തുണച്ച് ധാരാളം പേരും രംഗത്തെത്തി. അറുപതോളം മറുപടികളാണ് താരത്തിന്റെ മറുപടിയെ പിന്തുണച്ച് ലഭിച്ചത്. അധികവും അഹാനയ്ക്ക് ഫുൾ സപ്പോർട്ട് ഉറപ്പ് നൽകുന്ന കമന്റുകളായിരുന്നു. ഇത്തരം അധിക്ഷേപങ്ങളിലൂടെ നിങ്ങൾ ആരെയാണോ അധിക്ഷേപിക്കാൻ ശ്രമിച്ചത് അവർക്ക് അത് വിഷയമല്ലെങ്കിൽ വിവര ദോഷിയാകുന്നത് താങ്കളാണ് എന്ന് കമന്റിട്ട ആളെ ഉപദേശിച്ചവരും ഉണ്ട്.
അഹാനയുടെ പിതാവും നടനുമായ കൃഷ്ണകുമാർ ബിജെപി നേതാവാണ്. ഇതിന്റെ പേരിൽ മുൻപും അഹാനയെ സൈബറിടങ്ങളിൽ അധിക്ഷേപിക്കാനും മോശം കമന്റുകളിലൂടെ ആക്ഷേപിക്കാനും ശ്രമങ്ങൾ നടന്നിട്ടുണ്ട്.
