ആലപ്പുഴ : കള്ളനോട്ട് നല്കി ലോട്ടറി വാങ്ങിയ കേസില് അമ്മയും,മകളും അറസ്റ്റിൽ. ആലപ്പുഴ അമ്പലപ്പുഴ സ്വദേശികളായ വിലാസിനി(68) മകളായ ഷീബ(34) എന്നിവരെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്.
കഴിഞ്ഞ ദിവസം കോട്ടയം നഗരത്തിലെ ലോട്ടറി കടയില് വിലാസിനി ലോട്ടറി വാങ്ങുന്നതിനായി കള്ളനോട്ടുമായി എത്തി . എന്നാൽ, സംശയം തോന്നിയ കടയുടമ പോലീസില് വിവരമറിയിക്കുകയുമായിരുന്നു. തുടര്ന്ന് പോലീസ് സ്ഥലത്തെത്തുകയും നോട്ടുകള് കള്ളനോട്ട് ആണെന്ന് തിരിച്ചറിയുകയും, വിലാസിനിയെ അറസ്റ്റ് ചെയ്യുകയുമായിരുന്നു.ഇവരുടെ പക്കല്നിന്നും 100 രൂപയുടെ 14 വ്യാജ നോട്ടുകളും കണ്ടെടുത്തു
വിലാസിനിയെ ചോദ്യം ചെയ്തതില് നിന്നും ഇവരുടെ മകള്ക്കും ഇതിൽ പങ്കുണ്ടെന്ന് മനസ്സിലാക്കിയ പോലീസ് മകള് ഷീബയെ പിടികൂടുകയും ചെയ്തു. തുടര്ന്ന് വീട്ടില് നടത്തിയ പരിശോധനയില് നിന്നും വീടിന്റെ ഹാളിലെ കട്ടിലിനടിയില് പേപ്പറില് ഒളിച്ചു വച്ചിരുന്ന 500 രൂപയുടെ 31 വ്യാജ നോട്ടുകളും, 200 രൂപയുടെ 7 വ്യാജ നോട്ടുകളും, 100 രൂപയുടെ 4 വ്യാജ നോട്ടുകളും, 10 രൂപയുടെ 8 വ്യാജ നോട്ടുകളും കണ്ടെടുത്തു. കൂടാതെ വ്യാജ നോട്ടുകള് ഉണ്ടാക്കുവാന് ഉപയോഗിക്കുന്ന ലാപ്ടോപ്പും , പ്രിന്ററും, സ്കാനറും പോലീസ് കണ്ടെടുത്തു.
ഗൂഗിളില് നിന്നുമാണ് വ്യാജ കറന്സി ഉണ്ടാക്കാന് പഠിച്ചതെന്ന് ഷീബ പോലീസിനോട് പറഞ്ഞു.വ്യാജ കറന്സി ഉണ്ടാക്കി അമ്മയുടെ കയ്യില് കൊടുത്തു ലോട്ടറി കച്ചവടക്കാര്ക്കും, മാര്ക്കറ്റിലെ മറ്റ് ചെറുകിട കച്ചവടക്കാര്ക്കും ആയി സാധനങ്ങള് വാങ്ങി അവയ്ക്കുള്ള വിലയായി വ്യാജ നോട്ട് കൊടുത്തു മാറുകയായിരുന്നുവെന്നും പോലീസിനോട് പറഞ്ഞു
Comments