വീണ്ടും വൈറലായി മഞ്ജു വാര്യരുടെ ചിത്രങ്ങൾ. ബാഗും തോളിലേറ്റി യാത്ര പോകാനൊരുങ്ങുന്ന ചിത്രങ്ങളാണ് താരം സമൂഹമാദ്ധ്യമങ്ങളിലൂടെ പങ്കുവെച്ചിരിക്കുന്നത്. ‘ഞാൻ എവിടേയ്ക്കാണ് പോകുന്നതെന്ന് എനിക്കറിയില്ല, പക്ഷേ ഞാൻ എന്റെ വഴിയിലൂടാണ്’ എന്ന് കുറിച്ചു കൊണ്ടാണ് ചിത്രങ്ങൾ പോസ്റ്റ് ചെയ്തിരിക്കുന്നത്. മഞ്ഞ ടീ ഷർട്ടും കറുത്ത പാന്റും വെളുത്ത ഷൂവും ധരിച്ച്, തലയിൽ തൊപ്പിയും മുഖത്ത് കണ്ണടയും വച്ച് ബാഗും തോളിലേറ്റി പോകുന്ന താരത്തിന്റെ ചിത്രം ആരാധകർ ഏറ്റെടുത്തു കഴിഞ്ഞു.
നിരവധി പേരാണ് മഞ്ജുവിന്റെ പോസ്റ്റിന് താഴെ കമന്റ്സുമായി എത്തിയിരിക്കുന്നത്. ‘ഇഷ്ടമുള്ളിടത്തേക്ക് പോകാനും ഇഷ്ടമുള്ള ഭക്ഷണം കഴിക്കാനും സ്വാതന്ത്ര്യം കിട്ടുന്നത് തന്നെ ഏറ്റവും വലിയ ഭാഗ്യമല്ലേ ഒരു സ്ത്രീയെ സംബന്ധിച്ചിടത്തോളം, enjoy and be safe’, ‘സമ്മർ ഇൻ ബത്ലഹേമിലെ ആമിയുടെ ഒരു ലുക്കുണ്ടല്ലോ..’ എന്നിങ്ങനെ നീളുന്നു ആരാധകരുടെ കമന്റ്സുകൾ.
ദിവസങ്ങൾക്ക് മുമ്പ് മഞ്ജുവാര്യരുടെ മറ്റൊരു ചിത്രവും സമൂഹമാദ്ധ്യമങ്ങളിൽ വൈറലായായിരുന്നു. ‘ഷൂ കെട്ടാനല്ലാതെ ജീവിതത്തിൽ ഒരിക്കലും തല കുനിക്കരുത്’ എന്ന് കുറിച്ചു കൊണ്ട് ഒരു കസേരയിലിരുന്ന് മിറർ സെൽഫിയെടുക്കുന്ന ചിത്രമാണ് താരം പങ്കുവെച്ചത്. ഇതിനു പിന്നാലെ മഞ്ജു വാര്യരെ അനുകരിച്ചുകൊണ്ട് നടി ഭാവനയും ഫോട്ടോ പങ്കുവച്ചിരുന്നു. മഞ്ജു ഇരുന്ന അതേ കസേരയിൽ ഇരുന്നു കൊണ്ടായിരുന്നു ഭാവനയുടെ സെൽഫിയും.
