തിരുവനന്തപുരം: ഐഎഫ്എഫ്കെ വേദിക്ക് മുമ്പിലെ ഓടയിൽ വീണ് ഒരാൾക്ക് പരിക്ക്. വഴി യാത്രക്കാരനാണ് പരിക്കേറ്റത്. ഐഎഫ്എഫ്കെ വേദിയായ ടാഗോറിന് മുമ്പിലെ റോഡിലുള്ള ഓടയിലായിരുന്നു ഇയാൾ വീണത്. റോഡ് മുറിച്ച് കടക്കാൻ ശ്രമിക്കുന്നതിടെയായിരുന്നു സംഭവം. ഓട മൂടാതിരുന്നതാണ് അപകടത്തിന് കാരണമായി കരുതുന്നത്.
27-ാമത് രാജ്യാന്തര ചലച്ചിത്രമേളയാണ് തിരുവനന്തപുരത്ത് നടക്കുന്നത്. പ്രധാന വേദിയായ ടാഗോർ തിയേറ്ററടക്കം 14 തിയേറ്ററുകളിലായി 70ലധികം രാജ്യങ്ങളിൽ നിന്നുള്ള 184 ചിത്രങ്ങൾ മേളയിൽ പ്രദർശിപ്പിക്കുന്നുണ്ട്. ഡിസംബർ ഒമ്പതിന് ആരംഭിച്ച ചലച്ചിത്ര മേള എട്ട് ദിവസം നീണ്ടുനിൽക്കും. നൂറുക്കണക്കിന് ആളുകളാണ് പ്രതിദിനം ചലച്ചിത്ര മേളയ്ക്കായി നഗരത്തിൽ എത്തുന്നത്.
