പന്തളം : ശബിമലയിൽ ഭക്തജനത്തിരക്കേറുന്നു. ഇന്ന് വെർച്വൽ ക്യൂ വഴി ബുക്ക് ചെയ്തത് 1,04,478 പേർ. ഈ സാഹചര്യത്തിൽ വയോജനങ്ങൾക്കും കുട്ടികൾക്കുമായി പ്രത്യേക ക്യൂ ഏർപ്പെടുത്തി
വെർച്വൽ ക്യൂ സംവിധാനത്തിലൂടെ ഈ സീസണിലെ റെക്കോർഡ് രജിസ്ട്രേഷനാണ് റിപ്പോർട്ട് ചെയ്തിരിക്കുന്നത്. ശബരിമലയിൽ തിരക്കേറുന്ന സാഹചര്യത്തിൽ അത് നിയന്ത്രിക്കാനുള്ള സജ്ജീകരണങ്ങൾ ഇന്ന് മുതൽ പ്രാബല്യത്തിൽ വരുമെന്ന് സ്പെഷ്യൽ ഓഫീസർ ആർ അനിൽ പറഞ്ഞിരുന്നു. കുട്ടികൾക്കും വയോധികർക്കുമായാണ് പ്രത്യേക ക്യൂ ഏർപ്പെടുത്തുന്നത്.
നടപ്പന്തൽ മുതലാണ് പ്രത്യേക ക്യൂ ആരംഭിക്കുന്നത്. കുട്ടികൾക്കുള്ള കാത്തിരിപ്പ് കേന്ദ്രവും സ്ഥാപിക്കും. പ്രത്യേക ക്യൂവിൽ വന്ന് ആ ക്യൂവിലെ നടപ്പന്തലിൽ നിന്ന് പതിനെട്ടാം പടി പോകാനുള്ള സൗകര്യം ഉണ്ടാക്കുന്നുണ്ട്. കുട്ടികൾ തളർന്നു പോയിട്ടുണ്ടെങ്കിൽ ഇരിപ്പിടങ്ങളും ഒരുക്കിയിട്ടുണ്ടെന്ന് ഉദ്യോഗസ്ഥർ പറയുന്നു.
