ഒപ്റ്റിക്കൽ ഇല്യൂഷൻ ചിത്രങ്ങൾക്ക് എപ്പോഴും ആരാധകരേറെയാണ്. ദീർഘ നേരം അവയിൽ നോക്കിയിരുന്നു ടാസ്ക് പൂർത്തിയാക്കാൻ ഇഷ്ടപ്പെടുന്ന നിരവധിളുകൾ സോഷ്യൽ മീഡിയയിലുണ്ട്. ഇപ്പോഴിതാ മറ്റൊരു വൈറൽ ചിത്രത്തിന് ഉത്തരം തേടുകയാണ് ഓൺലൈൻ ലോകം.
നീല നിറത്തിലുള്ള സിഗ്-സാഗ് വരകളടങ്ങിയ ചിത്രമാണ് ആളുകളെ കുഴയ്ക്കുന്നത്. ഒറ്റനോട്ടത്തിൽ നീല നിറമുള്ള ഒരു ചിത്രമാണെന്ന് മാത്രം തോന്നുമെങ്കിലും അതിനുള്ളിൽ ഒരു ജീവി ഒളിഞ്ഞിരിക്കുന്നുണ്ടെന്നാണ് പറയപ്പെടുന്നത്. സൂക്ഷ്മമായി നിരീക്ഷിച്ചാൽ മാത്രമേ ജീവിയെ കണ്ടെത്താൻ സാധിക്കൂ. ഇതിനായി 15 സെക്കൻഡ് സമയമാണ് നിഷ്കർഷിക്കുന്നത്.
എന്നാൽ 15 സെക്കൻഡ് കൊണ്ട് ഭൂരിഭാഗം ആളുകൾക്കും ചിത്രത്തിൽ ഒളിഞ്ഞിരിക്കുന്ന കക്ഷിയെ കണ്ടെത്താനായില്ല. സുക്ഷിച്ചുനോക്കിയാൽ ചിത്രത്തിൽ ഒരു മത്സ്യത്തെ വരച്ചുവച്ചിരിക്കുന്നത് കാണാൻ സാധിക്കും. ഒളിഞ്ഞിരിക്കുന്നത് മീൻ ആണെന്നാണ് ഉത്തരം.
